Salman Khan on Sholay Remake : सलमान करणार शोलेचा रिमेक? म्हणाला, मी जय-वीरू अन् मीच...

हिंदी इंडस्ट्रीतला कल्ट सिनेमा म्हणजे शोले. 1975 साली रिलीज झालेल्या या सिनेमाला 49 वर्ष होत आली आहेत. त्याकाळी या सिनेमानं बॉक्स ऑफिसवर राज्य केलं होतं.

सलीम-जावेद या जोडीनं हा सिनेमा लिहिला होता. साऊथमध्येही शोलेचा रिमेक करण्यात आला. मराठीतही सिनेमा डब करण्यात आला.

अनेकदा शोलेचा सिक्वेल येणार का असा प्रश्न दोघांना विचारण्यात आला आहे. फिल्ममेकर फराह खानशी बोलताना चक्क सलमान खाननं शोलेचा रिमेक करण्याची इच्छा व्यक्त केली आहे.

सलीम खान आणि जावेद अख्तर यांची 'एंग्री यंग मॅन' ही डॉक्युमेंट्री प्राइम व्हिडीओवर नुकतीच रिलीज झाला आहे. यानिमित्तानं बोलताना सलीम-जावेद यांनी शोलेवर चर्चा केली.

फराह खानशी बोलताना सलमान खाननं शोलेचा रिमेक बनवण्याची इच्छा व्यक्त केली. फराहनं सलमानला विचारलं, "सलीम-जावेद यांच्या कोणत्या सिनेमाचा रिमेक बनवायला तुला आवडेल का?" त्यावर उत्तम देत सलमान खान म्हणाला, "मी शोले आणि दीवारचा रिमेक बनवेन".

फराह खाननं विचारलं, "तुला कोणता रोल करायला आवडेल, जय की विरू?" यावर सलमान खान म्हणाला, "मी जय आणि विरू दोन्ही भुमिका करू शकतो. मी गब्बरही करू शकतो".

सलमानच्या या वक्तव्यावर सलीम-जावेद यांच्याही भुवया उंचावल्या. आता सलमानची ही इच्छा पूर्ण होणार का याकडे सर्वांचं लक्ष आहे.