लपवूनी लपलेच नाही...! पूजा बिरारीचा फॅमिली फोटो, सोहम बांदेकरला रहावलं नाही; केली अशी कमेन्ट, वेधलं सगळ्यांचं लक्ष

अभिनेते आदेश बांदेकर यांचा मुलगा सोहम बांदेकर आणि अभिनेत्री पूजा बिरारी हे रिलेशनमध्ये असून लवकरच दोघे लग्न करणार आहेत.

दोघांच्या रिलेशनबाबत त्यांनी अद्याप अधिकृतपणे सांगितलेलं नाही पण त्यांच्या अनेक कृतींमधून ते दिसून आलं आहे.

दरम्यान दिवाळीच्या दिवसांत त्यांचं प्रेम कितीही लपवलं तरी लपू शकलेलं नाही. चाहत्यांनी गुपचूप सुरू असलेलं प्रेम पकडलंय.

अभिनेत्री पूजा बिरारी हिनं लक्ष्मीपूजनाच्या निमित्तानं तिचा फॅमिली फोटो सोशल मीडियावर शेअर केला होता. या फोटोवर नेहमीप्रमाणे तिच्या चाहत्यांनी भरभरून प्रेम दिलं.

फोटोला हजरो लाइक्स आणि कमेंट्स होत्या. पण त्यातील एका कमेंटनं सगळ्यांचं लक्ष वेधलं. ही कमेंट होती सोहम बांदेकरची.

दिवाळीच्या शुभेच्छा म्हणत पूजाने तिच्या आई-बाबांबरोबरचे फोटो शेअर केलेत. पूजा तिच्या आई-बाबांबरोबर प्रचंड खुश दिसतेय. होणारी बायको आणि होणारे सासू सासरे यांना पाहून सोहमला काही रहावलं नाही.

पूजाच्या फोटोवर त्याने हॉर्ट इमोजी पोस्ट केलेत. सोहमच्या या कमेंटनं सगळ्यांचं लक्ष वेधलं. सोहमच्या कमेंटवर पूजाने देखील रिप्लाय करत हार्ट इमोजी पोस्ट केला आहे.

दोघांचा हा ऑनलाइन रोमान्स नेटकऱ्यांनी मात्र चांगलाच हेरला. पूजाच्या फोटोवरची सोहम बांदेकरनं केलेली कमेंट सध्या चर्चेत आली आहे.

दोघे कधी लग्न करणार याकडे सर्वांचं लक्ष लागून आहे.