पन्नाशीतही इतक्या सुंदर कशा दिसतात वर्षा उसगावकर? सांगितलं 'ब्युटी सिक्रेट'

बिग बॉस मराठीच्या घरात आपल्या चिरतरूण सौंदर्यानं प्रेक्षकांच्या मनावर राज्य करणाऱ्या कोणी असतील त्या अभिनेत्री वर्षा उसगावकर आहेत.

मराठी इंडस्ट्रीतील एव्हरग्रीन ब्युटी म्हणून त्या ओळखल्या जातात. त्यांच्या अभिनयाइतकीच त्यांच्या सौंदर्याची आणि दिसण्याचंही प्रेक्षकांनी तितकंच कौतुक केलं.

वर्षा उसगावकर यांचं ब्युटी सिक्रेट त्यांनी बिग बॉसच्या घरात स्वत:च सांगितलं. वर्षा ताई कॅप्टन झाल्यामुळे कॅरामल कस्टर्ड बनवून घरातील सदस्यांनी जोरदार सेलिब्रेशन केलं आहे.

वर्षा ताई कॅरामल कस्टर्ड खात कॅमेऱ्यासमोर येऊन म्हणत आहेत,"आमच्याकडे भरपूर दूध, अंडी आणि साखर असल्यामुळे आम्ही घरी कॅरामल कस्टर्ड बनवलं. जान्हवीने वेळात वेळ काढून हे कॅरामल कस्टर्ड बनवलं आहे".

"कॅरामल कस्टर्ड खाताना मला खूप छान वाटतंय. आज खऱ्या अर्थाने मला असं वाटतं की कॅप्टनसीचं सेलिब्रेशन झालंय".

कॅरामल कस्टर्ड खात खात वर्षा ताई पुढे म्हणतात,"आता तुम्हाला कळलचं असेल माझ्या सौंदर्याचं रहस्य. मी सडपातळ असण्याचं रहस्य हेच आहे की मी सगळं खाते".

"प्राणायाम, योगासनं आणि घरचं जेवण करणं हेच माझ्या सौंदर्याचं रहस्य आहे", असं वर्षा ताईंनी सांगितलं.