विकी कौशलसाठी लेकीने आणलं Good Luck! महिन्याभरातच केली कोट्यवधींची खरेदी, पाहा मुलीसाठी काय घेतलं

मुंबई: बॉलिवूड अभिनेता विकी कौशल आणि अभिनेत्री कतरिना कैफ नुकतेच आई-वडील झाल्यामुळे आनंदात आहेत. घरात चिमुकल्या पाहुण्याचे आगमन होताच न्यू डॅड विकी कौशलने मोठी खरेदी केली आहे.

विकी कौशलने आपल्या कार कलेक्शनमध्ये एक भव्य आणि लक्झरीयस गाडी सामील केली आहे. विकीने खरेदी केलेल्या या नव्या गाडीची किंमत ऐकून सामान्य माणसाचे डोळे नक्कीच चमकतील.

विकी आणि कतरिना यांनी ७ नोव्हेंबर २०२५ रोजी त्यांच्या चाहत्यांना आई-वडील झाल्याची गोड बातमी दिली होती. या कपलने इन्स्टाग्रामवर पोस्ट शेअर करत सांगितले होते की, त्यांच्या घरी बाळाचा जन्म झाला आहे.

"आमच्या आनंदाचा खजिना या जगात आला आहे," असे त्यांनी लिहिले होते. कतरिना आणि विकीने कॅप्शनमध्ये 'ब्लेस्ड' असे लिहून देवाचे आभार मानले होते.

अशातच, ४ डिसेंबर रोजी विकी कौशल एका कार्यक्रमात आपल्या या ब्रांड न्यू कारसोबत स्पॉट झाला. मीडिया रिपोर्ट्सनुसार, विकी कौशलने Lexus LM350h 4S ही हाय-एंड कार खरेदी केली आहे. ही शानदार ४-सीटर कार असून तिची किंमत सुमारे ३.२० कोटी रुपये इतकी सांगितली जात आहे. विशेष म्हणजे ही कार हायब्रिड इंजिनवर चालते, ज्यामुळे ती पर्यावरणाच्या दृष्टीनेही चांगली मानली जाते.

सुरक्षित आणि सुलभ ड्रायव्हिंगसाठी यात ब्रेक असिस्ट, रडार कॅमेरा यांसारखे प्रगत अडव्हान्स असिस्ट फीचर्स आहेत. याशिवाय उत्तम इंटिरियर, लाकडी-लेदर फिनिश आणि क्लायमेट कंट्रोलसारख्या सुविधांमुळे ही कार अत्यंत आलिशान ठरते.

विकी कौशलच्या कामाबद्दल बोलायचं झाल्यास, त्याचा शेवटचा चित्रपट 'छावा' याच वर्षी फेब्रुवारीमध्ये प्रदर्शित झाला आणि तो बॉक्स ऑफिसवर सुपरहिट ठरला.

लवकरच विकी संजय लीला भन्साळी यांच्या 'लव अँड वॉर' मध्ये दिसणार आहे. या बिग बजेट सिनेमात त्याच्यासोबत रणबीर कपूर आणि आलिया भट्ट देखील मुख्य भूमिकेत आहेत. याशिवाय अमर कौशिक यांचा 'महावतार', तसेच 'तख्त' आणि 'लाहौर १९४७' यांसारख्या महत्त्वाच्या प्रोजेक्ट्समध्येही तो दिसणार आहे.