Relationship Tips : जोडीदार तुम्हाला इमोशनली कंट्रोल तर करत नाही ना? वेळीच ओळखा हे 'रेड फ्लॅग'

भावनिक नियंत्रण तेव्हा होते, जेव्हा कोणी तुम्हाला कंट्रोल करण्याचा प्रयत्न करतो. बहुतेकदा प्रेम किंवा काळजीच्या नावाखाली. असा जोडीदार तुमच्या स्वतःच्या फायद्यासाठी तुमच्या भावना कंट्रोल करतो. तुम्ही त्यांचे म्हणणे कायम ऐकावे असे त्यांना वाटते आणि जेव्हा तुम्ही तसे करत नाही, तेव्हा त्यांना तुम्ही दोषी वाटू लागतात. हळूहळू ही पद्धत तुमच्या विचारसरणीवर आणि आत्मविश्वासावर परिणाम करू लागते.

तुमचा जोडीदार भावनिकदृष्ट्या तुम्हला नियंत्रित करत आहे की नाही हे कसे ओळखावे : तुमचा जोडीदार तुम्ही कोणाशी बोलता, तुम्ही काय घालता आणि तुम्ही कुठे जाता यासारख्या सर्व गोष्टींवर नियंत्रण ठेवत असेल तर हे पहिले लक्षण आहे. दुसरे म्हणजे, जर ते प्रत्येक मतभेदासाठी तुम्हाला दोष देत असतील किंवा "तू माझ्यावर प्रेम करत नाही" असे म्हणत असेल, तर हे भावनिक ब्लॅकमेल आहे. तिसरे, ते तुमच्या भावनांकडे दुर्लक्ष करतात आणि तुम्हाला "अतिप्रतिक्रिया देणारे" म्हणतात. चौथे, ते तुम्हाला मित्र आणि कुटुंबापासून वेगळे करण्याचा प्रयत्न करतात, जेणेकरून तुम्ही त्यांच्यावर पूर्णपणे अवलंबून राहाल.

मानसिक ताण का वाढतो? : अशा नातेसंबंधांमध्ये राहिल्याने हळूहळू आत्मसन्मान कमी होतो. सतत नियंत्रणामुळे तुमचा आत्मविश्वास कमी होतो. तुमचे विचार मर्यादित होतात आणि प्रत्येक निर्णय भीतीदायक बनतो. अशा प्रकारच्या भावनिक दबावामुळे चिंता आणि नैराश्यासारख्या समस्या उद्भवू शकतात.

हे प्रेम नाही, तर नियंत्रण आहे हे ओळखा! पहिले पाऊल म्हणजे सत्य स्वीकारणे. स्वतःला प्रामाणिकपणे विचारा, तुम्ही या नात्यात आनंदी आहात का? की तुम्ही फक्त भीती आणि अपराधीपणाने जगत आहात? खऱ्या प्रेमात तुम्हाला सुरक्षित वाटते, तर नियंत्रित नाते तुम्हाला कमकुवत करते.

तुमच्या सीमा निश्चित करा - "नाही" म्हणायला शिका. तुमच्या जोडीदाराच्या इच्छा नेहमीच पाळणे आवश्यक नाही. जर तुम्हाला एखादी गोष्ट त्रास देत असेल तर ती स्पष्टपणे आणि आदराने सांगा. नात्यात तुमच्या मर्यादा निश्चित करणे ही एक निरोगी सवय आहे.

तुम्ही ज्याच्यावर विश्वास ठेवता त्याच्याशी बोला! जर तुम्हाला वाटत असेल की, गोष्टी हाताबाहेर जात आहेत, तर गप्प बसू नका. विश्वासू मित्र, कुटुंबातील सदस्य किंवा सल्लागाराशी बोला. बाहेरील मते अनेकदा तुम्हाला परिस्थिती स्पष्टपणे पाहण्यास मदत करतात.

स्वतःची काळजी घ्यायला शिका - नातेसंबंधात असताना तुमची ओळख गमावणे ही सर्वात मोठी चूक आहे. स्वतःसाठी वेळ काढा, तुम्हाला आवडणाऱ्या गोष्टी करा आणि गरज पडल्यास व्यावसायिक मदत घ्या. लक्षात ठेवा, खरे प्रेम तेच असते जे तुम्हाला स्वातंत्र्य देते, तुमच्या भावनांवर नियंत्रण ठेवत नाही. खरे नाते तुम्हाला मजबूत करते, तोडत नाही.