Fridge Food : 8 पदार्थ फ्रिजमध्ये चुकूनही ठेवू नका, 4 तर 'विष' बनतात, तरी तुम्ही दररोज खात आहात

कोणताही पदार्थ ताजा राहावा, खराब होऊ नये म्हणून आपण ते फ्रिजमध्ये ठेवतो पण काही पदार्थ असे आहेत जे फ्रिजमध्ये ठेवल्यावर खराब होतात. हे वाचून तुम्हाला आश्चर्य वाटलं असेल. पण यापेक्षाही धक्कादायक म्हणजे हे पदार्थ शरीरासाठी विष ठरतात.

मध तसंही नैसर्गिकरित्या चांगलं राहतं ते लवकर खराब होत नाही. पण ते फ्रिजमध्ये ठेवलं तर घट्ट होतं आणि त्याची चवही बिघडते. मधाची चव टिकवून ठेवण्यासाठी ते फ्रिजमध्ये न ठेवता एका थंड, कोरड्या जागी एका सीलबंद बरणीत ठेवा.

ब्रेड फ्रिजमध्ये ठेवल्याने जास्त टिकेल असं अनेकांना वाटतं. पण उलट यामुळे ब्रेड सुकतो आणि शिळा होता. त्यामुळे तो रूम टेम्प्रेचरला एका बॉक्समध्ये किंवा सुती कापडाच्या पिशवीत गुंडाळून ठेवा. जर तुम्हाला फ्रिजमध्ये ठेवायचा असेल तर फ्रिजरमध्ये ठेवा आणि टोस्ट करून खा.

थंड झाल्यावर बटाट्याचा स्टार्च लवकर साखरेत रूपांतरित होतो, ज्यामुळे शिजवल्यावर तो गोड लागतो. त्याची चव आणि पोत दोन्ही बदलतात. त्यामुळे तो किचनमधील पेंट्री किंवा बास्केटसारख्या गडद पण थंड ठिकाणी ठेवा.

टोमॅटो हा तर हमखास फ्रिजमध्ये ठेवला जाणारा पदार्थ पण यामुळे त्यांची मूळ चव कमी होऊ शकते. ते मऊ किंवा दाणेदार बनवी शकतात. ते थंड, हवेशीर ठिकाणी ठेवा जेणेकरून ते नैसर्गिकरित्या पिकू शकतील.

कांदा कापला आणि त्यापैकी उरला तर आपण तो फ्रिजमध्ये ठेवतो. पण फ्रिजमध्ये ठेवल्यावर कांद्यामधील स्टार्च साखरेत रूपांतरित होतं, ते ओले आणि मऊ होतात. ज्यामुळे त्यावर बुरशी वाढते. आजूबाजूच्या भागातील हानिकारक बॅक्टेरिया कांद्यावर बसू शकतात, ज्यामुळे बुरशीची वाढ होते. म्हणून कांदे नेहमी हवेशीर ठिकाणी ठेवावेत.

लसूण सोलणं म्हणजे वेळकाढू आणि कंटाळवाणं काम. त्यामुळे बरेच जण लसूण सोलून एका डब्यात ठेवून फ्रिजमध्ये ठेवता.. पण कमी तापमानामुळे लसणीला लवकर कोंब येऊ शकतात आणि त्याची चव कमी होऊ शकते. त्यामुळे लसूण कोरड्या आणि हवेशीर ठिकाणी टोपली किंवा कागदी पिशवीत ठेवा.

जेव्हा तुम्ही आलं फ्रिजमध्ये ठेवता तेव्हा ते बॅक्टेरिया आणि बुरशी लवकर आकर्षित होते. अशा आल्याचा सतत वापर केल्याने किडनी आणि लिव्हरला हानी पोहोचू शकते. 

भात बहुतेक घरात शिल्लक राहतो. मग तो फ्रिजमध्ये ठेवला जाचो. ही एक सामान्य पद्धत आहे. पण भात हा असा पदार्थ आहे ज्यात खूप लवकर बुरशी वाढते.