Mental Health : मेंटल हेल्थ करायचीय मजबूत तर, रोज खेळा 'हे' इनडोर गेम्स; डॉक्टरही करतात रेकमेंड

अलिकडच्या काळात मानसिक आरोग्याच्या समस्या मोठ्या प्रमाणात वाढल्या आहेत. कामाचा ताण, सोशल मीडियाचा वापर आणि बाहेरील जगापासून दूर राहिल्यामुळे अनेकजण मानसिकदृष्ट्या अस्वस्थ झाले आहेत. अशा परिस्थितीत, मानसिक आरोग्य सुधारण्यासाठी बैठे खेळ एक प्रभावी मार्ग म्हणून समोर आले आहेत. अनेक अभ्यासांनुसार, बुद्धीबळ, कॅरम, पत्ते आणि कोडी यांसारख्या खेळांमुळे तणाव कमी होतो आणि मानसिक शक्ती वाढते.

डॉ. कल्पना रावल म्हणतात की, इनडोअर गेम्स हे केवळ मनोरंजन नाही तर मानसिक तंदुरुस्तीसाठी एक प्रकारचा व्यायाम देखील आहे. सततचा ताण, चिंता आणि नैराश्य आपली विचार करण्याची आणि समजून घेण्याची क्षमता कमकुवत करू शकते. अशा परिस्थितीत, जर आपण दररोज काही मानसिक खेळ खेळलो तर आपला मूड चांगला राहतोच, शिवाय आपली स्मरणशक्ती आणि एकाग्रता देखील सुधारते.

बुद्धिबळ: बुद्धिबळ खेळल्याने मेंदूची संज्ञानात्मक क्षमता वाढते. ते आपल्याला रणनीती बनवायला, धीर धरायला आणि विचारपूर्वक निर्णय घ्यायला शिकवते.

कोडी सोडवणे: शब्दकोडे किंवा कोडी सोडवल्याने मन व्यस्त आणि सक्रिय राहते. यामुळे एकाग्रता आणि समस्या सोडवण्याची कौशल्ये सुधारतात.

लुडो आणि कॅरम: लुडो आणि कॅरमसारखे खेळ फक्त मुलांसाठी नाहीत तर संपूर्ण कुटुंबाला एकत्र आणण्यास मदत करतात. एकत्र खेळल्याने ताण कमी होतो आणि नातेसंबंधांमध्ये सकारात्मकता येते.

मेमरी टेस्ट गेम: पत्ते खेळणे किंवा मेमरी टेस्ट गेम हे आपल्या मेंदूला चालना देण्यास मदत करतात आणि आपल्याला शांत राहण्यास मदत करतात. हे खेळ विशेषतः लहान मुलांसाठी आणि वृद्धांसाठी जास्त उपयुक्त मानले गेले आहे.

मानसिक आरोग्य बळकट करणे हे फक्त ध्यान आणि औषंधापुरती मर्यादित नाही. जर तुम्ही दररोज थोडा वेळ इनडोर गेम खेळलात तर त्याने तुमचे मन सक्रिय, आनंदी आणि तणावमुक्त राहील. तुमच्या मेंदू आणि मनाला स्ट्रेसफ्री ठेवण्यासाठी हा एक सोपा मार्ग असू शकतो. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)