पुण्याच्या IT पार्कमध्ये नोकरी, 'जमतारा 2' फेम अभिनेत्यानं उचललं टोकाचं पाऊल; 25व्या वर्षी संपवलं आयुष्य

साताऱ्यातील महिला डॉक्टरच्या आत्महत्येनं सगळेच हादरलेत. पोलीस या घटनेचा तपास करत आहेत. अशातच मराठी मनोरंजन विश्वातून एक धक्कादायक बातमी समोर आहे.

'जमतारा सीझन 2' या सीरिजमधून प्रेक्षकांच्या भेटीला आलेला अभिनेतचा सचिन चांदवडे यानं आत्महत्या करत आयुष्य संपवलं आहे. वयाच्या अवघ्या 25व्या वर्षी त्याने इतकं टोकाचं पाऊल उचललं.

सचिन चांदवडे हा पुणे आयटी पार्कमध्ये सॉफ्टवेअर इंजिनिअर म्हणून काम करत होता. जळगाव जिल्ह्यातील पारोळा तालुक्यातील उंदिरखेडे हे त्याचं मुळ गाव आहे.

सचिनला अभिनयाची आवड होती. आयटीची नोकरी सांभाळत तो अभिनय देखील करत होता. 'जमतारा सीझन 2' मध्ये त्याने काम केलं होतं. पुण्यातील कलावंत ढोल ताशा पथकाचा तो सदस्य होता.

सचिनचा 'अनुरवन' हा सिनेमा लवकरच रिलीज होणार आहे. पाच दिवसांआधीच त्याने सिनेमाचं पोस्टर सोशल मीडियावर शेअर केलं होतं.

सचिनने त्याच्या राहत्या घरी पंख्याला लटकून आत्महत्या केली. त्याच्या कुटुंबीयांच्या समजल्यानंतर त्यांनी त्याला रुग्णालयात नेलं. त्याची प्रकृती आणखी खालावली त्यामुळे त्याला धुळ्याला हलवण्यात आलं.

अखेर 24 ऑक्टोबर रोजी रात्री दीड वाजता त्याचा मृत्यू झाला. सचिनच्या आत्महत्येचं कारण अद्याप समजू शकलेलं नाही. त्याच्या जाण्याने हळहळ व्यक्त करण्यात येतेय.