1 तास 30 मिनिटांचा सायकोलॉजिकल हॉरर सिनेमा, पाहून अंगावर येतील शहारे; स्क्रिप्टशिवाय पूर्ण झालेलं शूटिंग

उर्मिला मातोंडकर आणि मनोज बाजपेयी अभिनीत 'कौन' हा चित्रपट 1999 मध्ये प्रेक्षकांच्या भेटीला आला होता. बॉलिवूडचा आजवरचा हा सर्वोत्कृष्ट सायकोलॉजिकल हॉरर चित्रपट आहे. राम गोपाळ वर्मा दिग्दर्शित या चित्रपटाचं शूटिंग फक्त 15 दिवसांत पार पडलं होतं.

'कौन' हा चित्रपट स्क्रिप्टशिवाय शूट करण्यात आला होता. या चित्रपटाचं मोठं बजेटही नव्हतं. किंवा या सिनेमात गाण्यांचा भडिमारदेखील नव्हता. तसेच कोणत्याही प्रकारचे स्पेशल इफेक्ट्सचा वापर या चित्रपटात करण्यात आलेला नव्हता. पण तरीही हा चित्रपट प्रेक्षकांची मन जिंकण्यात यशस्वी ठरला.

'कौन' या चित्रपटात उर्मिला मातोंडकर, मनोज बाजपेयी आणि सुशांत सिंह या कलाकारांनी आपल्या दर्जेदार अभिनयाची छाप पाडली आहे. झोप उडवणारा हा चित्रपट आहे. या चित्रपटाचं पूर्ण शूटिंग एका घरात झालं होतं.

'कौन' या चित्रपटाची संहिता शूटिंगआधी लिहिलेली नव्हती. राम गोपाल वर्मा आणि मनोज बाजपेयी यांनी या चित्रपटाच्या शूटिंगदरम्यान अनेक सीन अॅड केले तर काही बदलले.

'कौन' या चित्रपटाचं शूटिंग फक्त 15 दिवसांत पार पडलं होतं.

उर्मिला मातोंडकरने 'कौन' या चित्रपटात एका रहस्यमयी, भीतीदायक महिलेचं पात्र साकारलं होतं. जी एकटी घरात राहते आणि दारावर टकटक करणाऱ्या अनोळखी व्यक्तीला भेटल्यानंतर कथानकात एक ट्विस्ट येतो. चित्रपटाच्या प्रत्येक दृश्यात खोल सस्पेन्स दडलेला आहे की प्रेक्षक प्रत्येक क्षणी नवी थिअरी विचारायला भाग पडतात.

'कौन' हा चित्रपट आजही प्रेक्षक फक्त उर्मिला मातोंडकरच्या अभिनयासाठी पाहणं पसंत करतात. दुसरीकडे आजही या चित्रपटाचं फक्त नाव ऐकूण अनेकांच्या अंगावर शहारे येतात.