जगातील सर्वात खतरनाक साप; त्याचा डंख 20 लोकांचा घेऊ शकतो प्राण, वाचा सविस्तर

नोव्हा नेचरचे सदस्य आणि किंग कोब्राच्या संरक्षणासाठी काम करणारे सर्पमित्र जितेंद्र सारथी यांनी या धोकादायक सापाबद्दल अनेक महत्त्वाच्या गोष्टी सांगितल्या आहेत. त्यांच्या मते, किंग कोब्रा त्याच्या शारीरिक क्षमतेमुळे जमिनीपासून दोन मीटरपर्यंत आपले डोके वर करू शकतो, ज्यामुळे तो अधिक भीतीदायक दिसतो.

किंग कोब्राचे विष अत्यंत धोकादायक असते. एकाच डंखात हा साप इतके विष सोडू शकतो की, त्यामुळे 20 लोकांचा जीव जाऊ शकतो. अंदाजे तो एकावेळी 420 मिलीग्रामपर्यंत विष सोडू शकतो. दुर्दैवाने, किंग कोब्राच्या विषावर भारतात अजूनही उतारा (अँटीडोट) तयार झालेला नाही.

जितेंद्र सारथी यांनी सांगितले की, किंग कोब्राचे आवडते भक्ष्य बिनविषारी धामण, इतर नाग, मण्यार आणि छोटे अजगर हे आहेत. याचा अर्थ किंग कोब्रा फक्त इतर प्राण्यांसाठीच नाही, तर स्वतःच्या प्रजातीतील सापांनाही सोडत नाही.

चांगली गोष्ट अशी की, किंग कोब्रा कोरबाच्या जंगलात आढळतो आणि त्यांचे संरक्षण करणे खूप महत्त्वाचे आहे. वन विभाग वेळोवेळी आजूबाजूच्या गावकऱ्यांमध्ये याबद्दल जागरूकता शिबिरे आयोजित करतो.

किंग कोब्राची उपस्थिती आणि त्याच्या विषाची प्राणघातक क्षमता लक्षात घेता, लोकांना सापांपासून सावध राहण्याचा आणि सुरक्षित अंतर ठेवण्याचा सल्ला दिला जातो. जर कोणाला किंग कोब्रा दिसला, तर त्यांनी ताबडतोब वन विभागाला किंवा सर्प संरक्षण संस्थांना कळवावे, जेणेकरून ते सापाला सुरक्षितपणे पकडून त्याच्या नैसर्गिक अधिवासात सोडू शकतील.