Idli : थंडीमध्ये इडलीचे पीठ लवकर आंबवण्यासाठी काय करावं? 'या' बेसिक आणि सोप्या पद्धतीने अनेकांना माहित नाहीत

सकाळच्या नाश्त्याची तयारी करणे, हे प्रत्येक गृहिणीसाठी रोजचे आव्हान असते. घरातील सगळ्यांना आवडेल आणि पोट भरेल असा आरोग्यदायी नाश्ता बनवताना अनेकदा वेळेची कमतरता जाणवते. इडली, डोसा किंवा आप्पे हे पौष्टिक आणि हलके पदार्थ असल्याने ते अनेक घरांमध्ये आवडीने बनवले जातात.

पण, हे पदार्थ बनवण्याची खूप मोठी प्रोसेस असते आणि एवढं सगळं करुन अनेकदा पिठ चांगलं होत नाही किंवा आंबत नाही तर मात्र पदार्थ फसतो. यामुळे पदार्थ बरोबर बनत नाही आणि चव देखील चांगली लागत नाही. अशावेळी मेहनत वाया जाते असं गृहिणींचं म्हणणं आहे आणि शिवाय हे जोखमीचं काम होऊन जातं.

पण जर हे बनवण्याची योग्यपद्धत आणि साहित्याचे प्रमाण कळले की मग इडली, डोसा बनवणे रॉकेट सायन्स रहात नाही तर ही गोष्ट गृहिणींसाठी डाव्या हाताचा खेळ बनतो.उन्हाळ्यामध्ये पीठ पटकन फुगते, पण थंडीच्या दिवसांत मात्र इडलीचे पीठ आंबवताना गृहिणींना मोठा त्रास होतो. रात्रभर पीठ तसेच ठेवले तरी सकाळी ते फुगलेले दिसत नाही, ज्यामुळे इडली मऊ आणि जाळीदार न होता चिवट आणि कडक बनते.

थंड हवामानामुळे किण्वन प्रक्रिया (Yeast Activity) मंदावते. यामुळे नाश्त्याच्या वेळी आयत्या वेळी प्लॅन बदलावे लागतात. तुमच्या स्वयंपाकघरातील ही समस्या दूर करण्यासाठी, थंडीत इडलीचे पीठ लवकर आणि योग्य प्रकारे आंबवण्यासाठीच्या 5 सोप्या आणि उपयुक्त टिप्स जाणून घेऊ.

1. योग्य तापमान शोधाथंडीत आंबवण्याची प्रक्रिया मंदावते कारण वातावरणाचे तापमान कमी असते. त्यामुळे पीठ ठेवण्यासाठी स्वयंपाकघरातील सर्वात उबदार जागा शोधा. तुम्ही ओव्हन किंवा मायक्रोवेव्ह ठेवू शकता. ओव्हनमध्ये (बंद) लाईट लावून ठेवल्यास थोडी उष्णता मिळते, जी किण्वनसाठी मदत करते.

2. गरम पाण्याचा 'शेकोटी' इफेक्टपीठाच्या भांड्याला बाहेरून उष्णता देणे हा एक प्रभावी उपाय आहे. एका मोठ्या भांड्यात पाणी गरम करून घ्या. त्यामध्ये जाडसर टॉवेल ठेवा या गरम पाण्याच्या भांड्यात इडलीच्या पीठाचे भांडे ठेवून त्यावर झाकण लावा. गरम पाण्याची वाफ आणि उष्णता पीठाला बाहेरून उबदार ठेवेल.

3. मीठाचे प्रमाण आणि वेळपीठ आंबवण्यापूर्वी मीठ घालणे टाळावे, कारण मीठ आंबवण्याची प्रक्रिया मंद करते. तांदूळ आणि डाळ बारीक केल्यानंतर मीठ न घालता पीठ आंबवण्यासाठी ठेवा. मीठ फक्त सकाळी किंवा इडली बनवण्यापूर्वीच मिसळावे.

4. डाळ आणि तांदूळ बारीक करतानाची काळजीपीठ बारीक करताना पाण्याचा वापर काळजीपूर्वक करा. पीठ बारीक करण्यासाठी नेहमी कोमट पाण्याचा वापर करा. जास्त गरम पाणी वापरू नका, पण थंडगार पाणी देखील टाळा. गरम पाणी किण्वन प्रक्रिया त्वरित सुरू करण्यास मदत करते.

5. हातांचा 'स्पर्श' आणि झाकण (The Hand Touch)अनेक तज्ज्ञांच्या मते, पीठ हाताने फेटल्यास (Mix केल्यास) हातातील उष्णता आणि नैसर्गिक बॅक्टेरिया किण्वन प्रक्रियेला चालना देतात. त्यामुळे पीठ मिक्स करण्यासाठी चमच्याऐवजी हात वापरा आणि चांगले फेटून घ्या. तसेच, भांड्यावर घट्ट झाकण ठेवा किंवा भांडे कपड्याने गुंडाळून ठेवा, जेणेकरून उष्णता आत टिकून राहील.

या साध्या टिप्सचा वापर करून तुम्ही थंडीच्या दिवसांतही अगदी मऊ, शुभ्र आणि जाळीदार इडलीचा आनंद घेऊ शकता. यामुळे तुमच्या सकाळच्या नाश्त्याची तयारी सोपी होईल आणि घरात सगळ्यांना पौष्टिक नाश्ता मिळेल.