Shocking! परफ्युममुळे महिलेला कापावे लागले हातपाय, असं घडलं काय?

शरीराला घामाची दुर्गंधी येऊ नये, म्हणून कित्येक लोक परफ्युम मारतात. आता उन्हाळ्यात तर याची गरज जास्तच वाटते. पण याच परफ्युममुले एका महिलेने आपले हातपाय गमावले आहेत. इंग्लंडच्या मोरेकॅम्बे येथील ही घटना आहे. इथं राहणारी 48 वर्षांची ही महिला, गिल हॅडिंग्टन असं तिचं नाव. परफ्युममुळे तिला तिचे हातपाय कापावे लागले आहेत.

तिच्या पायावर परफ्यूमची बाटली पडली होती. सुरुवातीला स्कॅनमध्ये काहीही आढळलं नाही, परंतु कालांतराने तिला असह्य वेदना, फोड, अल्सर आणि पायात सूज येऊ लागली. परिस्थिती इतकी बिकट झाली की पाय वाकू लागला आणि हाड बाहेर आले. वेदना इतक्या तीव्र होत्या की तिला दिवसाला 30 पेनकिलर घ्यावे लागत होते, तरीही आराम मिळत नव्हता.

दीर्घ तपासणीनंतर डॉक्टरांनी तिला गिल कॉम्प्लेक्स रीजनल पेन सिंड्रोम (CRPS) नावाच्या अत्यंत दुर्मिळ न्यूरोलॉजिकल आजार असल्याचं सांगितलं. या आजारात किरकोळ दुखापत झाल्यानंतरही व्यक्तीला असह्य आणि सतत वेदना होतात. या विकारामुळे शरीराच्या त्या भागाला हळूहळू गंभीर नुकसान होऊ शकतं, जसं गिलसोबतही घडलं.

डॉक्टरांनी तिला पायावर शस्त्रक्रिया करण्याचा सल्ला दिला. यानंतर तिने तिचा उजवा पाय गुडघ्याखाली कापण्याचा कठीण निर्णय घेतला. गिल म्हणाले की, जरी त्याने आपला पाय गमावला असला तरी तिला त्याचं जीवन परत मिळाल्यासारखं वाटत होतं.

2020 मध्ये कुत्र्याच्या संपर्कात आल्यानंतर गिलच्या डाव्या हाताला किरकोळ ओरखडा आला. तिला लगेच लक्षात आलं की तोच जुना आजार पुन्हा परत येत आहे. उपचार असूनही तिच्या हाताची हालचाल बंद पडली आणि अखेर मे 2021 मध्ये तिने तिचा हात कापण्याचा निर्णय घेतला.