Maharashtra Weather: पुढील 24 तास महत्त्वाचे, मराठवाड्यातील हवामानात मोठे बदल, हवामान विभागाने दिला इशारा

पावसाच्या उघडिपीमुळे कमाल तापमानाचा पारा तिशीपार असून, उन्हाचा चटका आणि उकाडा त्रासदायक ठरत आहे. मराठवाड्यात विजांसह हलक्या सरींची शक्यता वर्तविण्यात आली आहे. कोणत्याही जिल्ह्याला आज अलर्ट देण्यात आलेला नाहीये.

परभणी, बीड, हिंगोली आणि नांदेड या जिल्ह्यांमध्ये देखील आज हलका ते मध्यम स्वरूपाचा पावसाचा अंदाज हवामान खात्याने वर्तवला आहे. पावसाने विश्रांती घेतल्यामुळे सर्वच ठिकाणी तापमानात मोठी वाढ झालेली आहे. नागरिकांना गर्मीचा मोठा त्रास सहन करावा लागत आहे. पुढच्या आठवड्यात या ठिकाणी मुसळधार पावसाचे शक्यता वर्तवली.

धाराशिव आणि लातूर या ठिकाणी देखील 20 जुलै रोजी हलका तो मध्यम स्वरूपाचा पाऊस होण्याची शक्यता हवामान खात्याने वर्तवली आहे. त्यासोबतच या ठिकाणी कोणत्याही प्रकारचा अलर्ट देण्यात आलेला नाही. तरी सुद्धा नागरिकांनी आपली काळजी घ्यावी.

छत्रपती संभाजीनगर जिल्ह्यामध्ये पावसाने विश्रांती घेतलेली आहे. त्यामुळे तापमानात मोठी वाढ बघायला मिळत आहे. सध्याला संभाजीनगर शहराचे तापमान हे 34 अंशावरती गेलेले आहेत. या ठिकाणी देते हलक्यातील मध्यम स्वरूपाची पावसाची शक्यता आहे.

पावसाने विश्रांती घेतल्यामुळे सध्याला शेतकरी चिंतेत आहेत. शेतकऱ्यांनी आपल्या पिकांची योग्य ती काळजी घ्यावी. नागरिकांनी देखील आपले आरोग्य जपावे.