विदर्भात थंडीचा जोर आणखी वाढणार, गोंदियामध्ये शीत लहरींचा इशारा, आजच्या हवामानाचा अंदाज काय?

राज्यात गेले काही दिवस विविध ठिकाणी किमान तापमानात घट होऊन थंडीचा जोर वाढतांना दिसून येत आहे. विदर्भातही तशीच स्थिती असल्याचे पाहायला मिळत आहे. विदर्भातील तीन जिल्ह्यातील किमान तापमान 9 अंश सेल्सिअस इतके असल्याचे दिसून येत आहे. त्याचबरोबर गोंदिया जिल्ह्यांत तुरळक ठिकाणी शीत लहरींचा इशारा देखील हवामान विभागानं दिला आहे. त्यामुळे विदर्भात थंडीचा जोर आणखी वाढण्याची शक्यता आहे.

16 डिसेंबरला विदर्भात वातावरण कोरडे असून सर्वच जिल्ह्यांमध्ये अंशतः ढगाळ आकाश राहण्याची शक्यता आहे. 16 डिसेंबर रोज सोमवारला नागपूर, वर्धा या जिल्ह्यातील किमान तापमान 10 अंश सेल्सिअस इतके असणार आहे. त्याचबरोबर या सर्व जिल्ह्यांत अंशतः ढगाळ वातावरण गेले काही दिवस कायम आहे. 16 डिसेंबरला सुद्धा या जिल्ह्यांत ढगाळ वातावरण असणार आहे.

अमरावती जिल्ह्यातील किमान तापमान 13 अंश सेल्सिअस तर अकोला, बुलढाणा, चंद्रपूर, वाशिम या जिल्ह्यातील किमान तापमान 12 अंश सेल्सिअस इतके असणार आहे. त्याचबरोबर तेथील वातावरण अंशतः ढगाळ असण्याची शक्यता आहे. यवतमाळ या जिल्ह्यातील किमान तापमान 11 अंश सेल्सिअस इतके असून तेथील वातावरण अंशतः ढगाळ असण्याची शक्यता आहे.

भंडारा, गोंदिया, गडचिरोली या तीन जिल्ह्यातील किमान तापमान 9 अंश सल्सिअस इतके असणार आहे. विदर्भातील सर्वात कमी किमान तापमानाची नोंद या जिल्ह्यांत केली आहे. विदर्भातील गोंदिया जिल्ह्यांत तुरळक ठिकाणी शीत लहरींचा इशारा दिल्याने थंडीचा जोर आणखी वाढण्याची शक्यता आहे.

त्याचबरोबर विदर्भातील सर्व जिल्ह्यांत किमान तापमानात घट झाली आहे. त्यामुळे पहाटेच्या वेळी थंडीचा कडाका जास्त असून दुपारच्या वेळी सुद्धा हलकी थंडी जाणवणार आहे. त्याचबरोबर ढगाळ वातावरण आणि थंडीचा जोर यामुळे शेतकरी आणखी चिंतेत पडले आहे. तूर पिकाचे आणखी नुकसान होईल का? अशी भीती शेतकऱ्यांच्या मनात आहे.