IPL च्या आधीच फिक्सिंग कांड... KKR कडून खेळलेल्या खेळाडूची हकालपट्टी!

केकेआरचा माजी क्रिकेटपटू आणि दोन मॅच अधिकाऱ्यांवर आयसीसीने भ्रष्टाचार विरोधी आचर संहितेचं उल्लंघन केल्याप्रकरणी निलंबनाची कारवाई केली आहे. वेस्ट इंडिजचा हा क्रिकेटपटू केकेआरकडूनही खेळला आहे.

वेस्ट इंडिजचा ऑलराऊंडर जेव्हॉन सीयर्ल्सवर मॅच फिक्सिंग प्रकरणात दोषी आढळल्यामुळे निलंबनाची कारवाई करण्यात आली आहे. सीयर्ल्सशिवाय आयसीसीने चित्रंजन राठोड आणि ट्रेव्हॉन ग्रिफिथ या दोन टीम अधिकाऱ्यांवरही कारवाई केली आहे.

सीयर्ल्स, राठोड आणि ग्रिफिथ यांनी 2023-24 च्या बिम 10 स्पर्धेमध्ये मॅच फिक्सिंग केल्याचा आरोप त्यांच्यावर होता. टायटन्सचे मालक राठोड यांच्यावर तीन तर सीयर्ल्स आणि ग्रिफिथ यांच्यावर प्रत्येकी 4-4 आरोप आहेत.

आयसीसीने या तिघांचंही तात्काळ प्रभावाने निलंबन केलं आहे. 11 मार्च 2026 पासून पुढच्या 14 दिवसांमध्ये तिघांनाही आरोपांचं उत्तर द्यावं लागणार आहे.

2023-24 च्या बी10 स्पर्धेत सामन्यांचा निकाल, आचरण किंवा इतर कोणत्याही पैलूवर अनुचितप्रकारे प्रभाव पाडण्याचा प्रयत्न करणे, खेळाडू किंवा इतर क्रीडा कर्मचाऱ्यांना चिथावणी देणे, तपासात सहकार्य न करणे, असे वेगवेगळे आरोप तिघावंर आहेत.

ऑलराऊंडर असलेला जेव्हॉन सीयर्ल्स हा आयपीएल 2018 च्या मोसमात केकेआरच्या टीमचा भाग होता. जेव्हॉन त्या मोसमात केकेआरकडून 4 मॅच खेळला, यात त्याने 2 विकेट घेतल्या आणि 8 रन केल्या.