भिवंडीला मुसळधार पावसाचा तडाखा; जनजीवन विस्कळीत, रस्ते बनले नद्या, पहिले Photos

भिवंडी शहराला मुसळधार पावसानं चांगलाच तडाखा दिला आहे, रात्रभर सुरू असलेल्या पावसामुळे सखल भागात दोन फुटांपर्यंत पाणी साचलं आहे.

भिवंडी शहरातील तीन बत्ती, भाजी मार्केट, बाजारपेठ, कल्याण नाका, पटेल नगर, कमला हॉटेल परिसरात मोठ्या प्रमाणात पाणी साचलं असून, जनजीवन विस्कळीत झालं आहे.

सखल भागात पाणी साचल्यामुळे भाजी खरेदी करण्यासाठी आलेल्या नागरिकांची एकच तारांबळ उडाली आहे. अनेकजण पाण्यामधून घरी जाण्यासाठी वाट काढत आहेत .

तर दुसरीकडे रस्त्यावर मोठ्या प्रमाणात पाणी साचल्यामुळे अनेक वाहन चालकांना त्रास सहन करावा लागत असून, वाहतूक विस्कळीत झाली आहे.

रात्रीपासून मुसळधार पाऊस कोसळत आहे, जर पावसाचा जोर असाच कायम राहिला तर परिस्थिती आणखी बिकट होण्याची शक्यता आहे

दरम्यान पुढील दोन ते तीन दिवस महाराष्ट्रात हवामान विभागाकडून मुसळधार ते अतिमुसळधार पावसाचा इशारा देण्यात आला आहे.

हवामान विभागाच्या इशाऱ्यानुसार पाऊस झाल्यास भिवंडीमधील सखल भागात पाण्याची पातळी आणखी वाढण्याची शक्यात आहे.