ऐन दिवाळीत विरारमध्ये आगडोंब,काळ्या कुट्ट अंधारात हरवले शहर,भीषण आगीचे PHOTO

ऐन दिवाळीतून विरारमधून एक धक्कादायक घटना समोर आली आहे. विरारमध्ये फर्निचरच्या दुकानांना भीषण आग लागल्याची घटना घडली आहे.

विरार पूर्वेच्या आर.जे.नाका परिसरात ही घटना घडली आहे. या ठिकाणी असलेल्या फर्निचर दुकानाला आग लागली होती. या आगीत 4 ते 5 दुकाने भक्ष्यस्थानी गेल्याची माहिती आहे.

या घटनेची माहिती मिळताच अग्निशामन दलाचा दोन गाड्या घटनास्थळी दाखल झाल्या होत्या.या घटनेच्या काही तासानंतर आग आटोक्यात आली होती.

ही आग इतकी भीषण होती की सूरूवातीला एका दुकानाला आग लागली होती. त्यानंतर 4 ते 5 दुकाने आगीच्या भक्ष्यस्थानी गेली होती.यावेळी घटनास्थळी धुरांचे लोण पसरले होते.

या आगीत कोणत्याही प्रकारची जिवीतहानी झाल्याची माहिती समोर आली नाही आहे.पण फर्निचर मालकांचे लाखोंचे नुकसान झाले आहे.

दरम्यान ही आग नेमकी कशामुळे लागली, याचे कारण अद्याप समजू शकले नाही आहे.

आग लागलेल्या परिसरातील दुकान ही अनधिकृत असल्याची माहिती समोर आली आहे.तसेच ऐन दिवाळीत ही आग लागल्याने एकच खळबळ माजली आहे.