मोठी बातमी! मुंबई-पुणे एक्स्प्रेस वे वर प्रवाशांनी भरलेल्या बसला भीषण आग; ट्रॅव्हल्स जळून खाक

मुंबई-पुणे एक्स्प्रेस वे वर बर्निंग बसचा थरार पाहायला मिळाला आहे, प्रवाशांनी भरलेल्या धावत्या बसने अचानक पेट घेतला.

खासगी बसला एक्स्प्रेस वे वर अचानक आग लागली, सुदैवानं आगीची घटना वेळीच लक्षात आल्यानं मोठी दुर्घटना टळली आहे.

बसनं पेट घेतल्याचं लक्षात येताच बसमधील सर्व प्रवाशांना सुरक्षितरित्या खाली उतरवण्यात आलं, या अपघातामध्ये कोणतीही जीवितहानी झाली नसून सर्व प्रवासी सुखरूप आहेत.

ही बस मुंबईहून पुण्याकडे येत असताना ही घटना घडली आहे, या घटनेत बस पूर्णपणे जळून खाक झाली.

दरम्यान घटनेची माहिती मिळताच खोपोली,टाटा अग्निशमन दलाच्या गाड्या घटनास्थळी दाखल झाल्या

आगीवर नियंत्रण मिळवण्यात अग्निशमन दलाला यश आलं आहे, मात्र तोपर्यंत बस जळून खाक झाली.

बसने एक्स्प्रेस वे वरच पेट घेतल्यामुळे याचा मोठा परिणाम हा वाहतुकीवर देखील झाला, काही काळ या परिसरामध्ये वाहतूक कोंडी निर्माण झाली होती.