MNS Deepotsav 2025: ठाकरे फॅमिली एकाच फ्रेममध्ये, पण संजय राऊतांचं टायमिंग चुकलं, PHOTOS

मुंबई महापालिका निवडणुकीच्या तोंडावर ठाकरे बंधू आता एकत्र येणार हे आता जवळपास निश्चित झालं आहे. उद्धव ठाकरे आणि राज ठाकरे एकत्र आले आहे. आज मुंबईतील दादरमधील शिवाजी पार्क परिसरात मनसेच्या वतीने दीपोत्सवाचं आयोजन करण्यात आलं आहे. यावेळी उद्धव ठाकरे यांच्या हस्ते दीपोत्सवाचं उद्घाटन करण्यात आलंय.

मनसेच्या दीपोत्सवाच्या निमित्ताने ठाकरे कुटुंब एकत्र आलं. राज ठाकरे यांचं कुटुंब आणि उद्धव ठाकरे यांचं संपूर्ण कुटुंब यावेळी हजर होतं. यावेळी ठाकरे गट आणि मनसेचे प्रमुख नेतेही हजर होते.

शिवाजी पार्कवर येण्याआधी उद्धव ठाकरे हे सहकुटुंब भाऊ राज ठाकरे यांच्या शिवतीर्थावर गेले होते. त्यानंतर एकत्रच कारने आले होते.

दीपोस्तवाचं उद्घाटन करण्यासाठी राज ठाकरे आणि उद्धव ठाकरे व्यासपीठावर आले. यावेळी संपूर्ण ठाकरे कुटुंब व्यासपीठावर होतं. यावेळी बाळा नांदगावकर, संजय राऊत आदी नेतेही उपस्थितीत होते.

दीपोत्सवाचं उद्घाटक म्हणून उद्धव ठाकरे यांची उपस्थिती होती, व्यासपीठावर दीपोत्सवाची आकर्षक लायटिंग सुरू करण्यासाठी बटण दाबायचे होते. राज यांनी उद्धव यांना आग्रह केला. त्यावेळी संजय राऊत हे उद्धव ठाकरेंच्या पाठीमागेच होते. रश्मी ठाकरे यांनी संजय राऊत यांना पुढे येण्यास सांगितलं. पण, तोपर्यंत उद्घाटन पार पडलं होतं. दीपोत्सवाचं उद्घाटन झाल्यानंतरही संजय राऊतांचा हा बटणावरच होता.

दीपोत्सवाचं हे १३ वं वर्ष आहे. उद्घाटन झाल्यानंतर उद्धव ठाकरे यांनी सर्व उपस्थितींना दिवाळीच्या शुभेच्छा दिल्या. राज ठाकरे यांनीही सगळ्यांचे आभार मानले. त्यानंतर शिवाजी पार्कमध्ये आकर्षक आतषबाजी करण्यात आली होती.