7 जुलैला देशभर सुट्टी मिळणार? बँका, शाळा, ऑफिस आणि शेअर बाजार ही रहणार बंद?

देशभरात सध्या एक वेगळीच चर्चा रंगली आहे. यामध्ये असं म्हटलं जातंय की 7 जुलै 2025 रोजी संपूर्ण भारतात सुट्टी जाहिर केली जाणार आहे. त्यामुळे याकडे सर्वच कर्मचाऱ्यांच्या नजरा वळल्या आहेत. जर सोमवारचा दिवस सुट्टीचा जाहीर झाला, तर खासगी कॉर्पोरेट क्षेत्रात काम करणाऱ्या कर्मचाऱ्यांसाठी एक "लाँग वीकेंड" मिळण्याची शक्यता आहे. त्यामुळे लोक ही सुट्टी जाहीर होण्याची वाट पाहात आहेत.

सामान्यतः बहुतेक कंपन्यांमध्ये शनिवार आणि रविवार सुट्टी असते. अशा परिस्थितीत 5 (शनिवार), 6 (रविवार) आणि 7 जुलै (सोमवार) असे सलग तीन दिवसांची सुट्टी मिळू शकते. त्यामुळे आता सर्वजण सरकारच्या निर्णयाची वाट पाहत आहेत. सरकारकडून या संदर्भात लवकरच अधिकृत सूचना जाहीर होण्याची शक्यता वर्तवली जात आहे.

सुट्टीची शक्यता पण कारण काय?मुहर्रम हा सण इस्लामिक कॅलेंडरचा पहिला महिना आहे. 2025 मध्ये मुहर्रम सणाची तारीख ६ जुलै (रविवार) असल्याचं सांगितले जात आहे. मात्र हा सण चंद्रदर्शनावर आधारित असल्याने ही तारीख 7 जुलै (सोमवार) ला पुढे ढकलली जाऊ शकते.

इस्लामी नववर्षाची सुरुवात चंद्रदर्शनावर अवलंबून असते. त्यामुळे अनेक वेळा मुहर्रमचा सण एक दिवस पुढे जातो आणि याच कारणामुळे 7 जुलै रोजी सुट्टी जाहीर होण्याची शक्यता आहे.

मुहर्रम हा इस्लामी नववर्षाचा पहिला महिना आहे. संपूर्ण जगभरातील मुस्लिम समुदाय याला नववर्ष म्हणून साजरे करतात. त्यातील 'आशूरा' हा दिवस शिया मुस्लिमांसाठी विशेष महत्त्वाचा मानला जातो. या दिवशी हजरत इमाम हुसैन यांचे करबला युद्धात शहीद होणे ही ऐतिहासिक घटना घडली होती.

सुट्टीचा संभाव्य परिणामजर 7 जुलै 2025 रोजी अधिकृत सुट्टी घोषित केली गेली, तर त्याचे परिणाम खालीलप्रमाणे असतील:

शाळा आणि कॉलेजेस बंद राहण्याची शक्यता:पालकांनी आपल्या शाळांमधून येणाऱ्या सर्क्युलरवर लक्ष ठेवावे. अनेक शाळा चंद्रदर्शनानंतरच अधिकृत सुट्टीची घोषणा करतील.

बँका बंद राहू शकतात:सुट्टीची शक्यता असल्यामुळे नागरिकांनी आपले महत्त्वाचे व्यवहार 5 जुलैपूर्वीच पूर्ण करून घ्यावेत, जेणेकरून 7 जुलैला अडचण येणार नाही.

सरकारी आणि खासगी कार्यालयं बंद:जर सोमवार सुट्टीचा जाहीर झाला, तर सरकारी कार्यालये, खासगी कार्यालये आणि अनेक व्यापारी संस्था बंद राहण्याची शक्यता आहे.

शेअर बाजारावर परिणाम:7 जुलै रोजी सार्वजनिक सुट्टी असल्यास BSE, NSE आणि MCX सारखे वित्तीय बाजार बंद राहतील. त्यामुळे गुंतवणूकदारांनी याची नोंद घ्यावी.

सध्या तरी सरकारकडून कोणतीही अधिकृत घोषणा आलेली नाही. मात्र चंद्रदर्शनानंतरच याबाबत अंतिम निर्णय घेतला जाईल आणि त्यानंतर अधिसूचना जारी केली जाईल. त्यामुळे 7 जुलै 2025 रोजी सुट्टी असेल का? याचे उत्तर अजूनही प्रतीक्षेत आहे.