सावधान! होलिका दहनाला 'या' रंगाचे कपडे घालणं ठरेल अशुभ, तुम्हीही करत असाल चूक तर होईल मोठं नुकसान

होळीचा उत्साह सर्वत्र पाहायला मिळत आहे. आज, 2 मार्च 2026 रोजी 'होलिका दहन' होत असून, हा सण वाईटावर चांगल्याच्या विजयाचे प्रतीक मानला जातो. मात्र, शास्त्रांनुसार होलिका दहनाच्या रात्री काही नियमांचे पालन करणे अत्यंत महत्त्वाचे आहे. विशेषतः या दिवशी तुम्ही कोणत्या रंगाचे कपडे घालता, याचा तुमच्या आयुष्यावर मोठा परिणाम होऊ शकतो.

असे मानले जाते की, होलिका दहनाच्या वेळी काळ्या किंवा अतिशय गडद रंगाचे कपडे परिधान करणे अशुभ ठरू शकते. काळा रंग हा सर्व प्रकाश आणि ऊर्जा शोषून घेणारा मानला जातो. होलिका दहनाच्या रात्री वातावरणात नकारात्मक शक्ती आणि 'तामसिक' ऊर्जा अधिक सक्रिय असतात. काळे कपडे घातल्याने ही नकारात्मकता तुमच्याकडे लवकर आकर्षित होऊ शकते, ज्याचा परिणाम तुमच्या मानसिक स्वास्थ्यावर होतो.

शनि ग्रहाचा प्रभाव: ज्योतिषशास्त्रानुसार काळा रंग शनि ग्रहाशी संबंधित आहे. होळी हा अग्नी देवतेच्या उपासनेचा सण आहे. अग्नी आणि शनि यांचे तत्व एकमेकांशी जुळत नसल्याने, या दिवशी काळे कपडे घातल्याने कुंडलीत दोष निर्माण होऊ शकतात आणि कामात अडथळे येऊ शकतात.

अशुभ मानला जाणारा रंग: हिंदू धर्मात कोणत्याही शुभ कार्यासाठी किंवा पूजेसाठी काळा रंग वर्ज्य मानला जातो. होलिका दहन हा एक पवित्र अग्नी संस्कार आहे. अशा वेळी काळा रंग परिधान केल्याने पूजेचे पूर्ण फळ मिळत नाही, अशी धारणा आहे.

विशिष्ट ग्रहस्थिती आणि ग्रहण काळ: यंदा होळीच्या काळात चंद्रग्रहणाचे सावट असल्याने ग्रह-ताऱ्यांची स्थिती संवेदनशील आहे. अशा परिस्थितीत गडद रंगाचे कपडे मानसिक तणाव किंवा चिडचिड वाढवू शकतात. त्याऐवजी पांढरे किंवा पिवळे कपडे सकारात्मकता राखण्यास मदत करतात.

सौभाग्यावर परिणाम: असे मानले जाते की सणासुदीच्या दिवशी गडद किंवा काळे कपडे घातल्याने घरातील सुख-समृद्धीवर नकारात्मक परिणाम होतो. यामुळे कुटुंबात विनाकारण वादविवाद किंवा आर्थिक नुकसान होण्याची शक्यता असते.

सुरक्षेचा दृष्टिकोन: तांत्रिक दृष्टिकोनातून पाहिले तर, होलिका दहनाच्या ठिकाणी अनेक लोक विविध प्रकारचे तोडगे करत असतात. काळा रंग हा 'दृष्ट' किंवा वाईट नजरेला लवकर थारा देतो. त्यामुळे स्वतःच्या संरक्षणासाठी फिकट किंवा शुभ रंगांचे कपडे निवडणे फायदेशीर ठरते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)