एकाची हकालपट्टी तर दुसऱ्याची एंट्री, इंग्लंड दौऱ्यासाठी टीम इंडियात 22 वर्षांनी परतणार; IPL फायनलनंतर सोडली संघाची साथ

आयपीएल 2025 चा 18 वा हंगाम 3 जूनला संपला आणि आरसीबीने 18 वर्षांत पहिल्यांदाच ट्रॉफी जिंकली. आयपीएलनंतर आता प्रतीक्षा आहे ती भारत विरुद्ध इंग्लंड कसोटी मालिकेची.

20 जूनपासून भारत आणि इंग्लंड यांच्यात 5 कसोटी सामन्यांची मालिका खेळवली जाणार आहे. अश्यातच आता एक मोठी बातमी समोर येत आहे, पंजाब किंगचा कोच आता टीम इंडियासोबत जोडला जाणार आहे.

आयपीएल 2025 चा हंगाम संपला आहे आणि रॉयल चॅलेंजर्स बंगळुरूने पहिल्यांदाच विजेतेपद पटकावले आहे. अंतिम सामन्यात बंगळुरूने पंजाब किंग्जचा 6 धावांनी पराभव केला आणि 18 हंगामात पहिल्यांदाच ट्रॉफी जिंकली. बंगळुरू हा विजय साजरा करत असताना, या अंतिम सामन्यासह, पंजाब किंग्जच्या प्रशिक्षकाचा संघासह प्रवास संपला.

गेल्या 4-5 वर्षांपासून पंजाब किंग्जचे स्ट्रेंथ अँड कंडिशनिंग कोच असलेले एड्रियन ले रॉक्स यांनी पंजाब किंग्ज सोडले आहे. त्यांच्या या बदलीचे कारण टीम इंडियाकडून आलेला कॉल आहे.

दक्षिण आफ्रिकेचे अनुभवी प्रशिक्षक एड्रियन को हे वरिष्ठ पुरुष संघ भारताचे स्ट्रेंथ अँड कंडिशनिंग प्रशिक्षक बनले आहेत. अशाप्रकारे, भारतीय क्रिकेटमधील त्यांचा प्रवास सुरूच आहे, जो 2002 मध्ये सुरू झाला होता.

एड्रियन भारतीय संघात सामील होण्याची ही पहिलीच वेळ नाही. बरोबर 22 वर्षांपूर्वी तो टीम इंडियाच्या सपोर्ट स्टाफचा भाग होता. त्यानंतर तो एप्रिल 2022 ते मे 2023 पर्यंत टीम इंडियामध्ये होता. त्यानंतर, आयपीएलच्या आगमनाने, तो 10 वर्षांहून अधिक काळ कोलकाता नाईट रायडर्सशी जोडलेला राहिला.

सोहम देसाई यांची जागा एड्रियन ली रॉक्स घेतील, ज्यांचा टीम इंडियासोबतचा 5 वर्षांचा कार्यकाळ नुकताच संपला. सोहम देसाई गेल्या तीन वर्षांपासून टीम इंडियाचे मुख्य प्रशिक्षक होते.