Asia Cup 2025 : ना शुभमन गिल ना सूर्या! टीम इंडियाच्या या खेळाडूसमोर पाकिस्तानला फुटतो घाम

आशिया कपमध्ये भारत आणि पाकिस्तान येत्या 14 सप्टेंबर रोजी आमने सामने येतील. दोन पारंपारिक प्रतिस्पर्धी सामना जिंकण्यासाठी मोठ्या तयारीनिशी मैदानात उतरतील.

बीसीसीआयने टीम इंडियाची घोषणा केल्यानंतर पाकिस्तानला टेन्शनच आलं. कारण टीम इंडियाचा एका खेळाडूला स्कॉडमध्ये संधी मिळाली. हा खेळाडू कोण? असा प्रश्न तुम्हाला देखील पडला असेल.

हा खेळाडू दुसरा तिसरा कुणी नसून टीम इंडियाचा स्टार ऑलराऊंडर हार्दिक पांड्या आहे. हार्दिक पांड्याने भारताकडून टी20 आंतरराष्ट्रीय क्रिकेटमध्ये पाकिस्तानविरुद्ध सर्वाधिक विकेट्स घेतल्या आहेत.

पांड्याने पाकिस्तानविरुद्ध 7 सामने खेळले असून, 7.25 च्या इकॉनॉमीने 13 विकेट्स घेतल्या आहेत. हार्दिकने आतापर्यंत 114 टी20 सामने खेळले असून 8.20 च्या इकॉनॉमीने 94 विकेट्स घेतल्या आहेत.

आशिया कपमध्ये सर्वाधिक 8 वेळा विजेतेपद पटकावणारा संघ भारत आहे. तर पाकिस्तानने 2 वेळा हा किताब जिंकला आहे. तर आशिया कपमध्ये टीम इंडियाचं पारडं जड राहिलंय.