गोलंदाजी बघून संघात घेतले, पण पठ्ठ्याचा फलंदाजीत राडा, टीम संकटात असताना वादळी शतक

विजय हजारे ट्रॉफी स्पर्धेत जबरदस्त सामने पार पडतायत. या स्पर्धेत आयपीएलमध्ये खेळणाऱ्या खेळाडूंची कामगिरी देखील पाहण्यासारखी आहे.

दरम्यान अनेक वर्ष प्रतिक्षेत असलेला आणि यंदाच्या आयपीएल हंगामात दिल्ली कॅपिटल्सने 8.40 कोटी रूपयात खरेदी केलेल्या या खेळाडूने वादळी खेळी कली आहे.

हा खेळाडू दुसरा तिसरा कुणी नसून आकिब नबी आहे.आकिब नबी हा जम्मु काश्मीरचा खेळाडू आहे.मागच्या अनेक वर्षापासून तो आयपीएल प्रवेशाची वाट पाहत होता.आणि यंदाच्या हंगामात आता त्याची प्रतिक्षा संपणार आहे.

याच आकिब नबीने आता विजय हजारे ट्रॉफी स्पर्धेत खतरनाक खेळी केली आहे. हैद्राबादने जम्मू काश्मीरसमोर 268 धावांचे लक्ष्य ठेवले होते.

या लक्ष्याचा पाठलाग करताना जम्मू काश्मीरचा डाव गडगडला होता. जम्मूचे 90 धावांवर 7 विकेट पडले होते.

त्यामुळे जम्मू काश्मीरचा पराभव होईल असे वाटत होते.पण याच दरम्यान आकिब नबीने 82 बॉलमध्ये 114 धावांची नाबाद खेळी केली. या खेळीत त्याने 7 षटकार आणि 10 चौकार मारले होते.

आकिब नबीसोबत वंशज शर्माने देखील 69 धावांची नाबाद खेळी केली. या खेळीच्या बळावर या दोन्ही पुठ्ठ्यांनी 47.5 ओव्हरमध्ये हे लक्ष्य गाठत 3 विकटसने हा सामना जिंकला आहे. त्यामुळे धारदार गोलंदाजी करणाऱ्या आकिब नबीची फलंदाजी पाहून सगळेच शॉक झाले आहेत.