T20 वर्ल्ड कपनंतर 5 दिग्गज घेणार निवृत्ती, टीम इंडियाचा स्टारही करणार करिअरचा शेवट!

इंग्लंडचा लेग स्पिनर आदिल रशीदने टेस्ट क्रिकेटमधून जवळपास निवृत्ती घेतली आहे. जानेवारी 2019 मध्ये त्याने शेवटची टेस्ट खेळली होती. टी-20 वर्ल्ड कपनंतर रशीदचं वय 38 वर्ष होईल, त्यामुळे तो निवृत्त होऊ शकतो.

मार्कस स्टॉयनिसने 2025 च्या चॅम्पियन्स ट्रॉफीच्या आधी वनडे क्रिकेटमधून निवृत्ती घेतली होती. टी-20 आणि फ्रॅन्चायजी क्रिकेटवर लक्ष केंद्रीत करण्यासाठी स्टॉयनिसने हा निर्णय घेतला. टी-20 वर्ल्ड कपनंतर स्टॉयनिस 36 वर्षांचा होईल, त्यामुळे तोदेखील निवृत्त व्हायचा विचार करू शकतो.

कुसल परेरा श्रीलंकेच्या टीमचा विश्वासू बॅटर आहे. परेराच्या आक्रमक बॅटिंगमुळे श्रीलंकेला जलद सुरूवात मिळते, पण मागच्या काही काळापासून कुसल परेराचा फॉर्म चिंतेचा विषय आहे. टी-20 वर्ल्ड कपमध्येही परेराची कामगिरी अशीच राहिली, तर त्याला टीमबाहेर केलं जाऊ शकतं.

वेस्ट इंडिजच्या जॉनसन चार्ल्सची कामगिरीही निराशाजनक झाली आहे. सीपीएल 2025 मध्ये त्याने 10 इनिंगमध्ये फक्त 212 रन केले. 35 वर्षांच्या जॉनसन चार्ल्सची टी-20 वर्ल्ड कपच्या टीममध्ये निवड झाली, तरीही त्याचं करिअर स्पर्धेनंतर संपण्याची शक्यता आहे.

टीम इंडियाच्या स्टार बॉलरचाही या यादीत समावेश होऊ शकतो. जसप्रीत बुमराहचं नाव ऐकून तुम्हाला धक्का बसेल, कारण तो फक्त 32 वर्षांचा आहे. वर्कलोड मॅनेजमेंटमुळे बुमराह टी-20 आंतरराष्ट्रीय क्रिकेटबद्दल वेगळा विचार करण्याची शक्यता आहे.

बुमराह भारताच्या वनडे आणि टेस्ट टीमचा महत्त्वाचा भाग आहे, त्यामुळे भारताने टी-20 वर्ल्ड कप जिंकला तर दुखापतीचा इतिहास बघता बुमराह इंटरनॅशनल टी-20 क्रिकेटला अलविदा करू शकतो. 2024 च्या टी-20 वर्ल्ड कपमध्ये बुमराह भारताच्या विजयाचा शिल्पकार होता.