RCB कडून खेळणार जगातली सगळ्यात सुंदर खेळाडू, स्मृतीच्या हाती आली 6 फुटांची खतरनाक बॉलर!

लॉरेन बेलला आरसीबीने 90 लाख रुपयांना विकत घेतलं. लॉरेन बेलची बेस प्राईज 30 लाख रुपये होती. लॉरेन बेल आता स्मृती मानधनाच्या आरसीबीकडून खेळेल.

लॉरेन बेल ही आंतरराष्ट्रीय क्रिकेटमधल्या सगळ्यात सुंदर क्रिकेटपटूंपैकी एक आहे. 6 फूट 1 इंच हाईट असलेल्या लॉरेन बेलचे क्रिकेट विश्वात अनेक चाहते आहेत.

फास्ट बॉलर असलेली लॉरेन बेल हिने इंग्लंडकडून 5 टेस्ट, 31 वनडे आणि 36 टी-20 मॅच खेळल्या आहेत. बेलने महिला टेस्ट मॅचमध्ये 24.11 च्या सरासरीने 18 विकेट घेतल्या ज्यात तिने दोन वेळा इनिंगमध्ये 4 विकेट घेतल्या.

वनडे क्रिकेटमध्ये लॉरेन बेलच्या नावावर 30.54 च्या सरासरीने 44 विकेट आहेत. इनिंगमध्ये 5 विकेट घेण्याचा विक्रम तिने एकदा केला आहे. टी-20 आंतरराष्ट्रीयमध्ये लॉरेन बेलने 18.34 च्या सरासरीने 50 विकेट घेतल्या, ज्यात एका इनिंगमध्ये 4 विकेट घेण्याचं रेकॉर्ड तिने एकदा केलं आहे.

लॉरेन बेल डब्ल्यूपीएलमध्ये यूपी वॉरियर्सच्या टीममध्येही होती, पण तिला एकही मॅच खेळण्याची संधी मिळाली नाही. लॉरेन बेलचं फुटबॉलसोबतही नातं होतं. 16व्या वर्षापर्यंत तिने रीडिंग एफसी अकॅडमीकडून फुटबॉल खेळला.

लॉरेन बेलची उंची 6.1 फूट आहे, त्यामुळे तिचं टोपण नाव 'द शार्ड' ठेवण्यात आलं आहे. द शार्ड ही लंडनमधील 72 मजली बिल्डिंग आहे.