Smriti Mandhana : लग्न मोडलं पण हिंमत हारली नाही! पहिल्याच मॅचमध्ये रचला इतिहास, अशी कामगिरी करणारी पहिली भारतीय

वनडे वर्ल्ड कप जिंकल्यानंतर पहिल्यांदाच टीम इंडिया नव्या ध्येयासह मैदानात उतरली आहे. श्रीलंकेविरुद्ध पहिला टी-ट्वेंटी सामना खेळला गेला. यात टीम इंडियाने विजय मिळवला आहे.

टीम इंडियाची स्टार खेळाडू स्मृती मानधना हिने देखील आपली जादू कायम ठेवली. टीम इंडियाने हा सामना 8 विकेट्स राखून जिंकला. जेमिमा रॉड्रिक्स या सामन्याची हिरो ठरली.

श्रीलंकेविरुद्ध 122 धावांचं आव्हान पार करताना स्मृतीने 25 धावांची खेळी केली. यावेळी तिने एक मोठा रेकॉर्ड रचला आहे. स्मृतीने यावेळी 4000 धावांचा टप्पा पार केला.

आंतरराष्ट्रीय टी-ट्वेंटी क्रिकेटमध्ये 4000 धावा करणारी स्मृती मानधना ही पहिली भारतीय खेळाडू ठरली आहे. स्मृतीने आता 154 सामन्यांमध्ये एकूण 4008 धावा आहेत.

स्मृती मानधना ही टी-20 क्रिकेटमध्ये 4000 धावांचा टप्पा ओलांडणारी दुसरी महिला क्रिकेटपटू आहे. या यादीत न्यूझीलंडची सुझी बेट्स अव्वल स्थानावर आहे, जिच्या नावावर 4716 धावांचा विश्वविक्रम आहे.