Instagram अकाउंट हॅक झालं तर काय करावं? या ट्रिकने सेफ राहील डेटा

मुंबई : आजच्या काळात जवळजवळ प्रत्येकजण सोशल मीडिया वापरतो. विशेषतः इंस्टाग्राम लोकांमध्ये खूप लोकप्रिय आहे. पण जसजसा इंस्टाग्रामचा वापर वाढला आहे तसतसे हॅकिंगच्या घटनाही वाढत आहेत. बऱ्याचदा यूझर्सला हेही कळत नाही की त्यांचे अकाउंट हॅक झाले आहे आणि त्यांचे फोटो, मेसेज आणि डेटा दुसऱ्या कोणीतरी अॅक्सेस केला आहे.

तुमचे इंस्टाग्राम अकाउंट हॅक झाले तर घाबरून जाण्याची गरज नाही. खाली दिलेल्या काही सोप्या स्टेप्स फॉलो करून, तुम्ही तुमचे अकाउंट परत मिळवू शकता आणि भविष्यात ते हॅक होण्यापासून देखील वाचवू शकता.

प्रथम काय करावे? : तुम्हाला वाटत असेल की तुमचे अकाउंट हॅक झाले आहे तर प्रथम https://www.instagram.com/hacked/ वर जा. येथे My account was hacked हा ऑप्शन निवडा. यानंतर तुमचे यूझरनेम, ईमेल किंवा मोबाईल नंबर टाका. यानंतर, इंस्टाग्राम तुमच्याकडून ओळखीचा पुरावा (जसे की व्हिडिओ सेल्फी) मागू शकते. जेणेकरून ते अकाउंट तुमचेच आहे याची खात्री करू शकतील.

पासवर्ड रीसेट करा : अकाउंट अजूनही तुमच्या फोन नंबर किंवा ईमेलशी जोडलेले असेल, तर तुम्ही Instagram च्या Forgot Password फीचरचा वापर करून नवीन पासवर्ड तयार करू शकता. यासाठी तुम्हाला पासवर्ड रीसेट लिंक पाठवली जाईल.

तुमचे अकाउंट परत मिळाल्यानंतर हे करा : तुमचा पासवर्ड ताबडतोब बदला आणि असा ठेवा जो कोणालाही सहज समजणार नाही. लॉग इन करताना तुम्हाला एक अतिरिक्त कोड एंटर करावा लागेल म्हणून टू-फॅक्टर ऑथेंटिकेशन (2FA) चालू करा. तुमच्या अकाउंटमधून अज्ञात थर्ड-पार्टी अ‍ॅप्स काढून टाका. तुमची लॉगिन अ‍ॅक्टिव्हिटी तपासा आणि अज्ञात डिव्हायसेसमधून लॉग आउट करा.

भविष्यात हॅकिंग कसे टाळायचे? : कोणत्याही बनावट लिंक किंवा संशयास्पद मेसेजवर कधीही क्लिक करू नका. तुमचा पासवर्ड कोणासोबतही शेअर करू नका. दर काही महिन्यांनी तुमचा पासवर्ड बदलत राहा. गुगल ऑथेंटिकेटर सारख्या अ‍ॅपसह टू-फॅक्टर ऑथेंटिकेशन सुरू ठेवा.