Interesting Facts : WiFi चा पासवर्ड चुकीचा टाकला तरी Connecting… का दाखवतो?

मोबाईल असो, लॅपटॉप असो वा डेस्कटॉप जेव्हा तुम्ही इंटरनेटसाठी वायफाय कनेक्ट करता तेव्हा पासवर्ड टाकल्यानंतर तो कनेक्टिंग होताना दाखवतो, तेव्हा वाटतं आता वायफाय कनेक्ट होईल आणि नंतर मात्र तो सुरू होत नाही. पासवर्डची स्क्रिन पुन्हा येते. पासवर्ड चुकीचा दाखवतो. मग जर पासवर्ड चुकीचा होता तर वायफाय कनेक्ट कसा काय होतो? याचा विचार तुम्ही केला आहे का?

Wi-Fi ला कनेक्ट होणं म्हणजे फक्त पासवर्ड तपासणं नाही. त्यामागे काही स्टेप्सची एक प्रक्रिया असते. ज्यात डिव्हाइस वायफाय नेटवर्क शोधतं, राऊटरशी संपर्क साधतो, पासवर्ड वापरून authentication करतो, आयपी एड्रेस मिळवतो आणि इंटरनेट एक्सेस सुरू होतो. यातली प्रत्येक स्टेप पूर्ण होण्यासाठी थोडा वेळ लागतो.

Authentication ही मल्टी स्टेप प्रक्रिया आहे. वायफाय पासवर्ड टाकल्यानंतर राऊट लगेच चूक आहे असं सांगत नाही. आधी डिव्हाइस राऊटरशी सुरक्षित कनेक्शन तयार करतो. Encryption keys तयार होतात. मगच पासवर्ड verify होतो जोपर्यंत ही प्रक्रिया पूर्ण होत नाही तोपर्यंत सिस्टम Connecting… असंच दाखवतं.

सिक्युरिटी कारणांमुळे थेट एरर दाखवत नाही. जर राऊटर लगेच Wrong password सांगू लागला, तर हॅकर्सला अंदाज बांधणं सोपं होईल. Password guessing attacks वाढतील म्हणूनच सुरक्षा कारणांसाठी वाय सिस्टमआधी प्रयत्न करतो आणि फेल झाल्यावरच एरर दाखवतो.

कधी कधी राऊटर बिझी असतो. अनेक डिव्हाइस कनेक्टेड असतात, प्रोसेसर जुना किंवा स्लो असतो.  अशा वेळी राऊटरला उत्तर द्यायला वेळ लागतो. तोपर्यंत तुमच्या स्क्रीनवर Connecting… सुरूच राहतं.

फोन/लॅपटॉपमध्ये जर आधीचा चुकीचा पासवर्ड सेव्ह असेल तर सिस्टम तोच पासवर्ड आपोआप वापरतो. पुन्हा पुन्हा कनेक्ट करण्याचा प्रयत्न करतो. यामुळे Connecting… जास्त वेळ दिसत राहतं, पण प्रत्यक्षात कनेक्ट होत नाही.

कधी कधी पासवर्ड बरोबर असला तरी राऊटरकडून IP address मिळत नाही, DHCP प्रॉब्लेम असतो. अशा वेळीही डिव्हाइस Connecting… दाखवत राहतो, कारण authentication नंतरची स्टेप फेल होते.

Android, iOS, Windows, macOS सगळ्या सिस्टममध्ये Wi-Fi हँडलिंग वेगवेगळी असते. काही OS आधी कनेक्ट करण्याचा पूर्ण प्रयत्न करतात, फेल झाल्यावरच एरर मेसेज दाखवतात किंवा Wrong password असा मेसेज दाखवतो.

एकंदर काय तर डिव्हाइस आधी सिक्युर कनेक्शन तयार करण्याचा पूर्ण प्रयत्न करतं, त्यानंतरच चूक आहे हे ठरवतं. म्हणूनच काही सेकंद Connecting… दिसतं आणि मगच एरर येतो. त्यामुळे पुढच्या वेळी असं झालं, तर टेन्शन घेऊ नका. Wi-Fi चा पासवर्ड चुकीचा असतानाही Connecting… दिसणं हे bug नसून सुरक्षा आणि तांत्रिक प्रक्रियेचा भाग आहे.