येत्या 13 सप्टेंबरपासून हडपसरसह संपूर्ण राज्यभर सुरू होणाऱ्या 'जनसंवाद'या विशेष कार्यक्रमात सहभागी होण्याची ही सुवर्णसंधी आहे. हडपसरसह विविध भागात आयोजित होणाऱ्या जनसंवाद कार्यक्रमात तुम्हाला थेट सहभागी होण्याची संधी मिळेल. कार्यक्रमाची माहिती माध्यमांद्वारे वेळोवेळी तुम्हाला दिली जाईल,त्यामुळे तुम्ही तुमच्या भागात जनसंवाद कधी आयोजित केला जात आहे हे सहजपणे जाणून घेऊ शकाल.
advertisement
तुम्हाला फक्त 7888566904 या नंबरवर उपलब्ध असलेल्या व्हॉट्सअॅप चॅटबॉटवर तुमची माहिती आणि समस्या नोंदवायची आहे. नोंद झाल्यानंतर,तुम्हाला जनसंवाद कार्यक्रमासाठी निश्चित वेळ दिला जाईल. त्या दिवशी तुमच्या भागातील संबंधित अधिकारी उपस्थित राहतील. तुम्ही थेट संवाद साधून तुमच्या समस्या स्पष्ट करू शकता आणि संबंधित अधिकारी त्या समस्यांचे त्वरित निराकरण करण्यासाठी प्रयत्नशील राहतील.
मी स्वतः देखील या कार्यक्रमाला उपस्थित राहीन. प्रत्येक नागरिकाच्या अडचणी आणि समस्या लक्षात घेऊन त्वरित उपाययोजना करण्यासाठी प्रयत्नशील राहीन. जनसंवाद हा कार्यक्रम फक्त संवादापुरता मर्यादित न राहता, जनविकास साधण्याचा आमचा ध्यास आहे. नागरिकांच्या न्याय-हक्कांसाठी मी आणि राष्ट्रवादी काँग्रेस पक्ष सदैव कटिबद्ध आहोत.
चला एकत्र येऊया आणि हडपसर येथे होणाऱ्या पहिल्या जनसंवाद कार्यक्रमाला भेट देऊया. तुमच्या समस्या समजून घेणे आणि त्यावर योग्य तो उपाय करण्यासाठी आम्ही तुमच्या सोबत आहोत. या संधीचा उपयोग करून, चांद्यापासून बांद्यापर्यंत सर्वांगीण विकास साधण्यासाठी आपण एकत्र प्रयत्न करूया. जनतेच्या हितासाठी, न्यायासाठी आणि विकासासाठी तुमचा सहभाग खूप महत्त्वाचा आहे.