TRENDING:
बोगद्यांचे 98 टक्के काम पूर्ण, लवकरच नवा मार्ग खुला
या प्रकल्पाअंतर्गत सह्याद्रीच्या पर्वतरांगांमध्ये सुमारे 180 मीटर उंचीचा केबल-स्टेड पूल उभारण्यात येत आहे. डोंगराळ भागात सुरू असलेला प्रकल्प महाराष्ट्रातील सर्वात आव्हानात्मक मानला जातोय. या पुलासह बोगदे पूर्ण झाल्यानंतर मुंबई ते पुणे हे अंतर सुमारे 6 किलोमीटरने कमी होणार आहे. त्यामुळे प्रवाशांचा किमान अर्धा तास वेळ वाचणार आहे.
advertisement
मिसिंग लिंक प्रकल्पातील बोगद्यांचे काम जवळपास पूर्ण झाले आहे. खोपोली एक्झिट ते कुसगाव दरम्यान या मार्गावर दोन मोठे बोगदे आहेत. यातील एक बोगदा सुमारे 8.87 किलोमीटर लांबीचा असून दुसरा बोगदा सुमारे 1.67 किलोमीटर लांबीचा आहे. या दोन्ही बोगद्यांचे सुमारे 98 टक्के काम पूर्ण झाले असून सध्या शेवटची कामे सुरू आहेत. हा मार्ग पूर्ण झाल्यानंतर लोणावळ्यात जायचे असल्यासच जुन्या घाटमार्गाचा वापर करावा लागणार आहे. इतर सर्व प्रवासासाठी मुंबई–पुणे मार्गावर थेट आणि जलद प्रवास करता येणार आहे.
काय आहेत प्रकल्पाची वैशिष्ट्ये?
मिसिंग लिंक प्रकल्पाची एकूण लांबी सुमारे 14 किलोमीटर आहे. या मार्गावर दोन मोठे बोगदे उभारण्यात आले आहेत, ज्यामुळे प्रवाशांचा प्रवास अधिक जलद होईल. या नव्या मार्गामुळे मुंबई–पुणे प्रवासाचा वेळ सुमारे 30 मिनिटांनी कमी होणार आहे. सध्या बोगद्यांचे अंदाजे 98 टक्के काम पूर्ण झाले असून फक्त अंतिम टप्प्यातील कामे शिल्लक आहेत.