'सुनेत्रा पवारांना विधान परिषदेवर बिनविरोध द्या, बारामतीत निवडणूक लढवणारच', लक्ष्मण हाकेंचं थेट सत्ताधाऱ्यांना चॅलेंज

बारामती परिसरातील ओबीसी बांधवांचा आग्रह आहे. बारामती तालुक्यातील प्रत्येक गावात आम्ही पोहोचू. आम्ही संविधान चांगलं जाणतो. तिथे हुकूमशाही घराणेशाही हा प्रश्न लोकशाहीत प्रश्न उरत नाही, जनतेच्या प्रश्नावर निवडणुका लढवल्या जातात. याच प्रश्नावरून आम्ही निवडणुकीकडे पाहतोय. परत एकदा सांगतोस सुनेत्रा ताईंना विधान परिषदेवर बिनविरोध घ्यावे, या सत्ताधाऱ्यांनी एक उमेदवार आमच्या समोर द्यावा आम्ही निवडणुकीला सामोरे जात आहोत. राहुरीला निवडणूक लागते बारामती देखील निवडणूक लागणार. लोकशाहीतील सर्व मार्गाचा अवलंब आम्ही चळवळीतील कार्यकर्ते म्हणून करणार, असंही हाकेंनी ठामपणे सांगितलं.

जनता भावनिक आहे सर्वसामान्य माणसं दुःखी आहेत. सर्वसामान्य माणसं दादाच्या अपघातानंतर तर दुःखी होतीच पण रोहित पवार यांच्या रोजच्या प्रेझेंटेशन मुळे अजून ही लोक संभ्रमा अवस्थेत आहेत. एका बाजूला शरद पवार म्हणतात की हा घातपात नसून अपघात आहे. दुसरीकडे त्यांचाच नातू जो त्यांचा वारस बनू पाहतोय तो म्हणतोय की हा घातपात आहे. पवार साहेबांची एक भूमिका आणि रोहित पवार यांची एक भूमिका हे काय गौडबंगाल आहे आम्हाला कळालं नाही. सत्ताधाऱ्यांचं नक्की काय गौडबंगाल आहे. त्यामुळे जनतेच्या मनात दुःखाची भावना आहे, पण सत्ताधाऱ्यांना फक्त सत्ता कळते सत्तेतील टायमिंग कळतं. राजकारणातील स्पिरिट शोधायला रोहित पवार रात्रंदिवस पत्रकार परिषद घेत आहेत. शरद पवारांच्या भाषेत अपघात झाला आहे रोहित पवारांच्या भाषेत घातपात झाला आहे. इथल्या शासकीय यंत्रणांनी शोधला लावावा, अशी मागणीही हाकेंनी केली.