पुण्यातील ट्रॅफिकवर 'अंडरग्राउंड' तोडगा! येरवडा-कात्रज बोगद्यामुळे प्रवासाचा वेळ अर्धा; प्लॅनबाबत मोठी अपडेट

पुणे : पुण्यातील वाहतूक कोंडी फोडण्यासाठी अत्यंत महत्त्वाकांक्षी मानल्या जाणाऱ्या येरवडा-कात्रज भूमिगत बोगद्याच्या प्रस्तावाने आता एक पाऊल पुढे टाकले आहे. या प्रकल्पाचा 'पूर्व-व्यवहार्यता अहवाल' (Pre-feasibility Report) पूर्ण झाला असून, मुख्यमंत्री कार्यालयाकडून (CMO) याला सकारात्मक प्रतिसाद मिळाला आहे. पुण्यातील येरवडा ते कात्रज या महत्त्वाकांक्षी भूमिगत बोगद्यासह ५४ किलोमीटरच्या भुयारी रस्ते प्रकल्पाचा मार्ग आता मोकळा झाला असून, मुख्यमंत्री कार्यालयाने याला सकारात्मक प्रतिसाद दिला आहे.