पोलीसच निघाला 'चोर'; अनेक काळे कारनामे अन् फसवणुकीचे गुन्हे, अखेर पिंपरीत रंगेहाथ पकडलं

नेमका प्रकार काय?

प्रमोद चिंतामणी जानेवारी २०२५ मध्ये पिंपरी-चिंचवड आर्थिक गुन्हे शाखेत नियुक्त होता. एका ४ कोटींच्या फसवणुकीच्या गुन्ह्यातील आरोपीला मदत करण्यासाठी त्याने संबंधित वकिलामार्फत चक्क २ कोटींची लाच मागितली होती. याप्रकरणी लाचलुचपत प्रतिबंधक विभागाने (ACB) सापळा रचून २ नोव्हेंबर रोजी त्याला ४६ लाख ५० हजार रुपये स्वीकारताना रंगेहाथ पकडलं. त्याच्या घराच्या झडतीतही घेतली, ज्यात ५१ लाखांचा ऐवज सापडल्याने खळबळ उडाली होती.

advertisement

Insta वर ओळख; सरकारी नोकरीचं दाखवलं स्वप्न, नंतर नाशिकच्या तरुणींसोबत घडलं भयानक

फसवणुकीचे काळे कारनामे

एसीबीच्या अटकेनंतर या फौजदाराचे अनेक काळे कारनामे उघड झाले. त्याने पिंपरी-चिंचवड परिसरातील सुमारे ४० नागरिकांना 'पैसे दुप्पट करून देणे' आणि 'जास्त परतावा देण्याचे' आमिष दाखवून तब्बल ५ कोटी रुपयांना गंडवल्याचे समोर आले. याप्रकरणी २५ नोव्हेंबर रोजी भोसरी पोलीस ठाण्यात स्वतंत्र गुन्हा दाखल झाला. अनेक सामान्य नागरिकांची फसवणूक केल्याने पोलिसांची प्रतिमा मलिन झाली होती.

चिंतामणी याची वर्तणूक पोलीस खात्याच्या शिस्तीला घातक ठरल्याने, आयुक्तांनी त्याला पोलीस सेवेतून कायमचं बडतर्फ केलं आहे. या कारवाईमुळे भ्रष्ट आणि गुन्हेगारी प्रवृत्तीच्या पोलीस कर्मचाऱ्यांचे धाबे दणाणले आहेत.