Ankita Walawalkar : प्रणित मोरेची BB19 ट्रॉफी हुकली, कोकण हार्टेड गर्ल दुखावली; म्हणाली, 'वोट्स फक्त...'

टेलिव्हिजनचा सर्वात वादग्रस्त शो म्हणजे बिग बॉस. या शोचा 19 वा सीझन नुकताच संपला. अभिनेता गौरव खन्ना या सीझनचा विजेता ठरला. फरहाना भट्ट आणि गौरव खन्ना ट्रॉफीसाठी आमने सामने आले होते. पण गौरव खन्नाने ट्रॉफी जिंकली. तर मराठमोळा प्रणित मोरे तिसऱ्या क्रमांवर घरातून आऊट झाला.

मराठमोळा प्रणित मोरे आजारपणातून बाहेर पडला होता. त्याने घरी री-एन्ट्री घेतली. त्याच्याकडून संपूर्ण महारष्ट्राला खूप अपेक्षा होत्या. मात्र प्रणित मोरेच्या हातून बिग बॉस 19 ची ट्रॉफी हुकली.

प्रणितची ट्रॉफी हुलकी तर दुसरीकडे कोकण हार्टेड गर्ल आणि बिग बॉस मराठी 5 ची स्पर्धक अंकिता वालावलकर मात्र दुखावली. तिने प्रणित मोरेसाठी खास पोस्ट शेअर केली आहे.

'बिग बॉस 19' च्या टॉप 3 मध्ये  गौरव खन्ना, फरहाना भट्ट आणि मराठमोळा स्पर्धक प्रणित मोरे यांनी स्थान मिळवलं होतं. मात्र, अंतिम फेरीच्या आधीच प्रणित तिसऱ्या क्रमांकावर एलिमिनेट झाला. प्रणित बाहेर पडताच त्याच्या चाहत्यांनी सोशल मीडियावर नाराजी व्यक्त केली. अंकिता वालावलकरने प्रणितच्या एलिमिनेशनवर आपली प्रतिक्रिया दिली.

अंकिताने इन्स्टाग्राम स्टोरीवर प्रणितचा फोटो शेअर करत लिहिलं, "छान खेळलास… ना शिवीगाळ, ना अनावश्यक ड्रामा… संपूर्ण प्रवासात तू प्रतिष्ठेनं खेळलास. मतं ही फक्त एक कारण असतात… आमच्यासाठी तर तू आधीच विजेता आहेस." प्रणितच्या हातून ट्रॉफी गेल्याचं अंकितालाही दु:ख झाल्याचं या पोस्टमध्ये पाहायला मिळालं.

अंकिता वालावलकर 'बिग बॉस मराठी 5' मध्ये सहभागी झाली होती. ती देखील शेवटपर्यंत घरात होती. त्यामुळे ट्रॉफी हातातून जाणं याचं दु:ख काय असतं हे तिलाही चांगलंच माहिती आहे. त्यामुळे प्रणितसाठी पोस्ट लिहित त्याचं कौतुक केलं.

तसंच, "माझ्या स्टँडअप शोमधून मला जे प्रेक्षक मिळाले, तेच माझे खरे सपोर्टर आहेत. माझं कुटुंबही कायम माझ्या पाठीशी उभं आहे", असं सांगत त्याने चाहत्यांचे आभार मानले. प्रणितच्या एलिमिनेशननंतर सोशल मीडियावर चाहत्यांनी नाराजी व्यक्त करत त्याला खऱ्या अर्थानं विजेता मानलं.