Pune Crime : बाणेरमधील त्या बेपत्ता ज्येष्ठाचा झाडीत मृतदेह; रिक्षाचालकाचं निर्दयी कृत्य ५ महिन्यांनी उघड, दिल्लीतून अटक

नेमकी घटना काय?

२० जुलै रोजी बालेवाडी फाटा येथे रस्ता ओलांडणाऱ्या एका ज्येष्ठ नागरिकाला इसाराईलच्या रिक्षाने जोरदार धडक दिली. अपघात होताच स्थानिक लोक जमा झाले. यावेळी पोलिसांनी पकडू नये म्हणून इसाराईलने 'मी यांना दवाखान्यात नेतो' अशी बतावणी केली आणि त्यांना रिक्षेत बसवून तिथून निघून गेला.

रुग्णालयात नेण्याऐवजी आरोपीने रिक्षा खडकीतील रेंजहिल्स परिसरातील रेल्वे मार्गाजवळ नेली. तिथे असलेल्या दाट झाडीत गंभीर जखमी ज्येष्ठाला फेकून देऊन तो पसार झाला. वडील घरी न परतल्याने मुलाने बेपत्ता असल्याची तक्रार दिली होती, मात्र दुसऱ्या दिवशी त्यांचा मृतदेह रेल्वे रुळांजवळ सापडला.

advertisement

Navale Bridge: नवले पुलाच्या 'ब्लॅक स्पॉट'वर पुन्हा भीषण अपघात; स्कूल बसने उडवली पंच कार

पोलिसांचा थरारक तपास

सीसीटीव्ही फुटेज आणि तांत्रिक तपासावरून पोलिसांना रिक्षाचालकाची माहिती मिळाली. आरोपी इसाराईल हा दिल्लीतील महिपालपूर भागात लपून बसल्याची माहिती मिळताच बाणेर पोलिसांचे पथक तिथे रवाना झाले. तब्बल आठ दिवस दिल्लीत तळ ठोकून पोलिसांनी त्याला शिताफीनं ताब्यात घेतलं. पुण्यातील अतिरिक्त पोलीस आयुक्त मनोज पाटील आणि वरिष्ठ पोलीस निरीक्षक चंद्रशेखर सावंत यांच्या मार्गदर्शनाखाली ही कारवाई करण्यात आली.

पुणे पोलिसांनी आरोपीला न्यायालयात हजर केलं असून, न्यायालयानं त्याला पोलीस कोठडी सुनावली आहे. या कारवाईमुळे पाच महिन्यांपासून न्यायप्रतीक्षेत असलेल्या कुटुंबीयांना काहीसा दिलासा मिळाला आहे.