माघ महिन्यातील शुक्ल पक्षातील एकादशी तिथीला जया एकादशीचं व्रत साजरं केलं जातं. त्या दिवशी उपवास करून लोक भगवान विष्णू, पंढरीच्या पांडुरंगाची पूजा करतात. जया एकादशी व्रताची कथा पद्मपुराणात सांगितली आहे, ज्यात त्याचे महत्त्वही सांगितलं आहे. भगवान श्रीकृष्णांने युधिष्ठिराला सांगितले होते की, जया एकादशीचं व्रत केल्यानं माणसाची सर्व पापे नष्ट होतात आणि त्याला मोक्ष प्राप्ती होते. एवढेच नाही तर त्या आत्म्याला भूत, पिशाच इत्यादींपासून मुक्ती मिळते. जया एकादशीचं व्रत केल्यानं ब्रह्मदेवाच्या हत्येचे पापही नष्ट होऊ शकते.
advertisement
हिंदू कॅलेंडरनुसार, यावर्षी माघ शुक्ल एकादशी तिथी सोमवार, 19 फेब्रुवारी रोजी सकाळी 08:40 वाजता सुरू होईल आणि ही तिथी मंगळवार, 20 फेब्रुवारी रोजी सकाळी 09:55 वाजता समाप्त होईल. उदयतिथीच्या आधारे एकादशी मंगळवार, 20 फेब्रुवारी रोजी आहे.
यंदा कधी आहे महाशिवरात्र? भगवान शंकराचा आशीर्वाद मिळण्यासाठी असं करा व्रत
जया एकादशी 2024 पूजा मुहूर्त -
जया एकादशीच्या दिवशी तुम्ही सूर्योदयापासून भगवान विष्णूची उपासना करू शकता. त्यावेळी प्रीति योग आणि रवि योग असेल. हा काळ शुभ मानला जातो. त्या दिवशी ब्रह्म मुहूर्त सकाळी 05:14 ते 06:05 पर्यंत असेल, तर अभिजीत मुहूर्त दुपारी 12:12 ते 12:58 पर्यंत आहे. हा त्या दिवसाचा सर्वात शुभ मुहूर्त असेल.
या झाडापासून बनवलेली माळ शुभ फळदायी! धारण केल्यानं मिळते सुख-समृद्धी
जया एकादशी 4 शुभ योगांमध्ये -
जया एकादशी व्रताच्या दिवशी 4 शुभ योग तयार होतील. व्रताच्या दिवशी रवि योग, त्रिपुष्कर योग, प्रीति योग आणि आयुष्मान योग असतील. जया एकादशीला प्रीति योग सकाळपासून 11:46 पर्यंत चालेल, त्यानंतर आयुष्मान योग तयार होईल, जो संपूर्ण रात्रभर राहील.
रवि योग त्या दिवशी सकाळी 06:56 ते दुपारी 12:13 पर्यंत असेल, तर त्रिपुष्कर योग दुपारी 12:13 ते दुसऱ्या दिवशी सकाळी 06:55 पर्यंत असेल. व्रताच्या दिवशी आर्द्रा नक्षत्र सकाळपासून दुपारी 12.13 पर्यंत असते, त्यानंतर पुनर्वसु नक्षत्र असेल.