मोक्षदा एकादशीचा शुभ मुहूर्त -
मार्गशीर्ष महिन्यातील शुक्ल पक्षातील एकादशी ही मोक्षदा एकादशी किंवा गीता जयंती म्हणून साजरी केली जाते. पंचांगानुसार, एकादशी तिथी शुक्रवार, 22 डिसेंबर 2023 रोजी सकाळी 8:16 वाजता सुरू होईल आणि शनिवार, 23 डिसेंबर 2023 रोजी सकाळी 7:12 वाजता समाप्त होईल. गृहस्थ आणि शैव संप्रदायातील लोकांनी आज 22 डिसेंबर रोजी मोक्षदा एकादशीचे व्रत पाळायचं आहे. वैष्णव पंथाचे लोक 23 डिसेंबर रोजी मोक्षदा एकादशीचे व्रत करणार आहेत. या दिवशी शिवयोगही घडत आहे.
advertisement
मकरसंक्रांती पूर्वी मंगळाचं राशी परिवर्तन! या 3 राशींना मिळणार भाग्याची साथ
मोक्षदा एकादशी 2023 उपवास सोडण्याची वेळ -
आज 22 डिसेंबर रोजी एकादशीचे व्रत करणार्‍यांसाठी उपवास सोडण्याची वेळ 23 डिसेंबर रोजी दुपारी 01:22 ते 03:26 पर्यंत आहे. तर 23 डिसेंबरला एकादशी व्रत करणाऱ्या लोकांसाठी उपवास सोडण्याची वेळ 24 डिसेंबर रोजी सकाळी 07:11 ते 09:15 पर्यंत असेल. गीता जयंती मोक्षदा एकादशीच्या दिवशीही येते हे लक्षात ठेवा. या दिवशी भगवान श्रीकृष्णाने कुरुक्षेत्राच्या मैदानात पांडव अर्जुनला गीतेचे ज्ञान दिले. त्यामुळे मोक्षदा एकादशीच्या दिवशी गीता अवश्य पठण करावी.
मोक्षदा एकादशीला या वस्तू खरेदी कराव्या -
मोक्षदा एकादशीच्या दिवशी भगवान विष्णू आणि माता लक्ष्मीची पूजा करावी. तसेच या दिवशी पांढऱ्या हत्तीची मूर्ती किंवा मत्स्य मूर्ती खरेदी केल्याने मोठे शुभफळ प्राप्त होईल. चांदीचा मासा खरेदी करणे खूप शुभ राहील. असे केल्याने घरात नेहमी सुख-समृद्धी राहते, असे मानले जाते.
बाळासाठी खास असं नाव शोधताय? मग श्री रामावरून ही 6 युनिक नावं पाहून घ्या
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)