अमवास्या कधी?
पंचांगानुसार, अमावस्या तिथी 22 ऑगस्ट रोजी दुपारी 11.57 वाजता सुरू होईल आणि ती 23 ऑगस्ट रोजी सकाळी 11.37 वाजेपर्यंत राहील. मात्र 22 ऑगस्ट रोजी मध्यान्हकाळी अमावस्या असल्याने याच दिवशी पिठोरी अमावस्या पाळली जाणार आहे, असे जोशी गुरुजी सांगतात.
Ganesh Chaturthi 2025: फुकट बनवा इको-फ्रेंडली बाप्पा! वापरा फक्त कुंडीतील माती, बघा VIDEO
advertisement
पिठोरी अमावस्या कशी साजरी करतात?
या दिवशी सुहासिनी महिला पिठाच्या मूर्ती तयार करून बाळाच्या जन्मासाठी व पतीच्या दीर्घायुष्यासाठी प्रार्थना करतात. दुर्गामाता आणि 64 योगिनींच्या मूर्ती पीठ मळून बनवण्याची परंपरा आहे. या दिवशी केलेले उपवास, पूजन व नैवेद्य घरातील मुलांच्या सुख-समृद्धीसाठी शुभ मानले जाते. विशेष म्हणजे, या अमावस्येला सर्व पदार्थ पिठाचेच बनवले जातात. त्यामुळेच याला 'पिठोरी अमावस्या' असे नाव पडले आहे. अनेक घरांमध्ये भाताची खीर हा खास नैवेद्य केला जातो.
मातृत्वाला वंदन करण्याचा दिवस
पिठोरी अमावस्येला ‘मातृदिन’ असेही संबोधले जाते. सामान्यतः अमावस्या अशुभ मानली जाते, परंतु या दिवशी केलेले व्रत अत्यंत मंगलकारी ठरते. आईने आपल्या मुलांच्या दीर्घायुष्य व कल्याणासाठी करायचे हे व्रत असल्याने त्याला मातृदिनाचे स्वरूप आले आहे. भारतीय संस्कृतीत प्रत्येक नातेसंबंधासाठी एक खास दिवस निश्चित केला आहे. त्यामधीलच हा मातृत्वाला वंदन करणारा दिवस असल्याने या अमावस्येला विशेष स्थान आहे.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)