प्रो कबड्डी लीगच्या 12 व्या सीझनला आज शुक्रवार 29 ऑगस्टपासून सूरूवात झाली आहे.राष्ट्रीय क्रीडा दिनानिमित्त या लीगचे भव्य उद्घाटन झाले.प्रो कबड्डी लीगच्या 12 च्या उद्घाटन समारंभाला क्रीडा जगतातील अनेक दिग्गज व्यक्ती उपस्थित होत्या.त्यांच्यासोबत भविष्यात भारताचे भविष्य बनणारे खेळाडूही सहभागी झाले होते. हॉकी दिग्गज धनराज पिल्लई आणि प्रसिद्ध बॅडमिंटनपटू पुलेला गोपीचंद हे देखील या समारंभात सहभागी झाले होते.तसेच टीम इंडियाचा स्टार खेळाडू वैभव सुर्यवंशी देखील या प्रसंगी उपस्थित होता.
advertisement
यावेळी या उद्घाटन सोहळ्यात वैभव सूर्यवंशी खेळाडूंसोबत क्रिकेट खेळताना दिसला.कबड्डी खेळाडूंनी वैभवला बॉलिंग केली तेव्हा त्या बॉलवर चौकार आणि षटकार मारले होते. पण क्रिकेटनंतर ज्यावेळेस वैभवने खेळाडूंसोबत कबड्डी खेळली तेव्हा तो त्याची रेड पूर्ण करू शकला नाही आणि त्याच्या क्षेत्रात परतण्यापूर्वीच त्याला पकडण्यात आले.त्यामुळे वैभवच्या फलंदाजीचा आणि कबड्डी रेडचा व्हिडिओ खूप व्हायरल होत आहे.
दरम्यान आयपीएल 2025 मध्ये वैभव सूर्यवंशीची बॅट खूप चांगली तळपली होती. वैभव सूर्यवंशीने 7 सामन्यात 36 च्या सरासरीने 252 धावा केल्या. राजस्थान रॉयल्सच्या या खेळाडूने 35 चेंडूत शतक ठोकून षटकार आणि चौकारांचा पाऊस पाडला होता. तसेच आयपीएलनंतर वैभवने इंग्लंड दौऱ्यावर अंडर-१९ संघासाठीही चमकदार कामगिरी केली.आता हा खेळाडू क्रिकेट मैदानानंतर कबड्डी खेळण्यासाठी उतरला होता.प्रो कबड्डी लीग (PKL12) च्या 12 व्या हंगामात वैभव सूर्यवंशीला विशेष आमंत्रण मिळाले त्यामुळे तो उपस्थित होता.
आयपीएलमध्ये राजस्थान रॉयल्सकडून खेळणारा वैभव सूर्यवंशी म्हणाला, राष्ट्रीय क्रीडा दिन मला आठवण करून देतो की खेळ सर्वांना कसे एकत्र आणतो. खेळणे तुम्हाला टीमवर्क, शिस्त आणि लवचिकता शिकवते. राजस्थान रॉयल्सचा भाग असल्याने, शिकत असल्याचे आणि माझी स्वप्ने पूर्ण केल्याबद्दल मी स्वतःला भाग्यवान समजतो. मला आशा आहे की माझ्यासारखे आणखी मुले खेळायला सुरुवात करतील आणि स्वतःवर विश्वास ठेवतील.