मुंबई : चातुर्मास 2 नोव्हेंबरला संपल्यानंतर यंदा एकूण 49 विवाह मुहूर्त उपलब्ध असले तरी डिसेंबर 2025 आणि जानेवारी 2026 या दोन महिन्यांत एकही पारंपरिक मुहूर्त येत नाही. याचे कारण म्हणजे या संपूर्ण काळात असणारा शुक्र हस्त. या विषयावर ज्योतिषी आदित्य जोशी गुरुजी यांनी लोकल18 च्या माध्यमातून सविस्तर माहिती दिलीये.

नाशिक : आजकाल तरुणांमध्ये नोकरीत मन न लागणे किंवा नोकरी मिळण्यास अडचणी येणे सामान्य झाले आहे. नाशिकचा मोहित शेळके, ज्याने बी.एस.सी एग्री पूर्ण केल्यानंतर अनेक नोकऱ्या करूनही समाधान न मिळाल्याने नोकरी सोडून दूध विक्रीचा व्यवसाय सुरू केला आहे. तो आता एक यशस्वी तरुण उद्योजक म्हणून ओळखला जातो. मोहितच्या या निर्णयाकडे पाहिले तर तो आपल्या स्वप्नाला आणि आवडीला प्राधान्य देणारा एक उदाहरण आहे.

पुणे: गेल्या काही वर्षांत लिव्ह-इन रिलेशनशिपचे प्रमाण मोठ्या प्रमाणात वाढत आहे. नुकत्याच येरवडा परिसरात लिव्ह-इनमध्ये राहणाऱ्या महिलेचा किरकोळ भांडणातून मृत्यू झाल्याची धक्कादायक घटना समोर आली. या प्रकरणामुळे लिव्ह-इन रिलेशनशिपमधील नात्यांचा मुद्दा पुन्हा एकदा ऐरणीवर आला आहे. स्वतंत्रपणे निर्णय घेण्याची इच्छा यामुळे अनेक तरुण हा पर्याय निवडतात. लग्नाआधी एकत्र राहिल्यामुळे भविष्यात नातं टिकेल का नाही? याचा अंदाज घेण्यासाठी सध्याची पिढी लिव्ह-इन रिलेशनशिपकडे वळत आहे. मात्र काही प्रकरणांमध्ये त्याचे उलट परिणामही दिसून येत आहेत.

पुणे: ज्या वयात मुलांना नीट हाताने जेवण सुद्धा करता येत नाही, त्या वयात पुण्यातील अवघ्या दीड वर्षांच्या नील निखिल भालेराव या चिमुकल्याने केलेल्या कामगिरीने सर्वांना आश्चर्यचकित केले आहे. नीलने केवळ 2 मिनिटे 53 सेकंदात जगातील 45 कार ब्रँडची अचूक ओळख सांगून इंडिया बुक ऑफ रेकॉर्ड्समध्ये आपली नोंद केली आहे. एवढ्या कमी वयात साध्य केलेल्या या उल्लेखनीय यशामुळे नीलवर सर्व स्तरांतून कौतुकाचा वर्षाव होत आहे. नीलच्या पालकांनी या रेकॉर्डविषयी लोकल 18 ला माहिती दिली आहे.

पुणे: श्रीमंत दगडूशेठ हलवाई गणपती ट्रस्टने महाराष्ट्रातील विद्यार्थ्यांसाठी काही महत्त्वाच्या शैक्षणिक योजना जाहीर केल्या आहेत. ‘जय गणेश विद्यार्थी पालकत्व योजना’ ही योजना ट्रस्टने 2010 मध्ये सुरू केली असून आर्थिकदृष्ट्या दुर्बल आणि गुणवंत विद्यार्थ्यांना मदत करण्यासाठी ती राबवली जाते. सध्या या योजनेअंतर्गत पुण्यातील 55 मराठी शाळांमधील 550 विद्यार्थ्यांचे शैक्षणिक पालकत्व ट्रस्टकडून स्वीकारले आहे.