मुंबई: दिवाळी अगदी दारात आली आहे. यंदा दिवाळी सोमवारी, 20 ऑक्टोबर रोजी साजरी होणार आहे. त्यामुळे सध्या मुंबईत खरेदीचा उत्साह शिगेला पोहोचला आहे. घराघरात दिव्यांची रोषणाई, सजावट आणि देवपूजेची तयारी सुरू झाली आहे. आणि या सगळ्यात फुलांचं महत्त्व सर्वात जास्त असतं. म्हणूनच सध्या मुंबईतील दादर फुल मार्केटमध्ये ग्राहकांची मोठी गर्दी पाहायला मिळत आहे. मात्र, या गर्दीसोबतच फुलांचे दरही चांगलेच वाढले आहेत.
