आज आपण अशा एका जगातल्या सगळ्यात महागड्या व्हिस्कीबद्दल बोलणार आहोत, जी पिणं म्हणजे श्रीमंतीचा कहरच.
या व्हिस्कीच्या एका बाटलीची किंमत आहे तब्बल 6.2 मिलियन डॉलर्स, म्हणजे जवळपास 53 कोटी रुपये. एवढ्या पैशात तर एखादं आलिशान घर, गाडी, फार्महाऊस सगळंच विकत घेता येईल. आता तुम्हाला नक्कीच याबद्दल अनेक प्रश्न पडले असतील? ही दारु कोणती? तिचं नाव काय? ती इतकी महाग का वैगरे वैगरे.... चला तुमच्या प्रश्नाची उत्तरं जाणून घेऊ.
advertisement
या व्हिस्कीचं नाव आहे. इसाबेला इस्ले (Isabella’s Islay). खरंतर ही व्हिस्की लिमिटेड एडिशनमध्ये येते. म्हणजे सगळ्यांनाच ती सहज मिळणारी नाही आणि विशेष म्हणजे तिच्या बाटलीवर सोनं आणि हिर्‍यांनी सजावट केलेली आहे. म्हणजे ही फक्त दारू न राहता एक लक्झरी आणि प्रतिष्ठेचं प्रतीक आहे.
Isabella’s Islay
पण खरा धक्का तेव्हा बसतो जेव्हा कळतं की या 700 ml च्या बाटलीतून फक्त एक पेग (30 ml) प्यायचा म्हटलं, तरी तो तब्बल 2 कोटी रुपये पडतो. म्हणजे एक पेग प्यायचा म्हटलं, की खिशातून एका आलिशान बंगल्याचा डाऊन पेमेंट जाईलच.
जर तुम्ही व्हिस्कीचे शौकीन असाल आणि लक्झरी गोष्टींचं वेड असेल, तर इसाबेला इस्लेचं नाव लक्षात ठेवा. पण हो, तिचा पेग उचलायचा आधी बँक बॅलन्स चेक करायला विसरू नका.