Shravan 2025: मुला-बाळांवरील इडा-पिडा टळते; श्रावण शुक्रवारी घरी असं करावं जरा जिवंतिका पूजन

मुंबई : श्रावण महिन्यात विविध पूजा विधी करण्याची परंपरा आहे. देवतांच्या मंदिरांना भेटी देऊन नारळ फोडला जातो. पूजा-विधींना श्रावण महिन्यात फार महत्त्व दिलं जातं. त्याचप्रमाणे जरा-जिवंतिका पूजन हे श्रावण महिन्यातील प्रत्येक शुक्रवारी केले जाणारे एक महत्त्वाचे व्रत आहे. हे व्रत विशेषतः संततीचे आरोग्य आणि दीर्घायुष्य यासाठी करण्याची परंपरा आहे. जरा म्हणजे म्हातारपण आणि जिवंतिका म्हणजे जिवंत ठेवणारी, असा या शब्दांचा अर्थ होतो. या पूजेने बालकांचे रक्षण होते आणि घरात सुख-समृद्धी येते, अशी धार्मिक श्रद्धा आहे.