Shravan 2025: उद्या तिसरा श्रावणी सोमवार! व्रत-पूजा विधी अशा पद्धतीनं कराव्या; शिवामूठ काय?

श्रावण महिन्यातील प्रत्येक सोमवारचे व्रत अत्यंत पुण्यकारक मानले जाते. श्रावणी सोमवारचे व्रत केल्यानं भगवान शिव आणि माता पार्वती प्रसन्न होतात आणि भक्तांच्या सर्व इच्छा पूर्ण करतात, अशी धार्मिक श्रद्धा आहे. अविवाहित मुलींना चांगला वर मिळवण्यासाठी तसेच विवाहित स्त्रियांना त्यांच्या पतीच्या दीर्घायुष्यासाठी हे व्रत करण्याची परंपरा आहे. पुरुषसुद्धा मोठ्या भक्तीभावानं हे व्रत करतात. शंकराच्या कृपेसाठी श्रावणी सोमवारचे व्रत महत्त्वाचे मानले जाते. या दिवशी केलेल्या पूजेमुळे आरोग्य, धन, संतती आणि समृद्धी प्राप्त होते, अशी धार्मिक श्रद्धा आहे.

श्रावण सोमवारच्या व्रतात शिवामूठ वाहण्याची विशेष परंपरा आहे. प्रत्येक सोमवारी वेगवेगळी शिवामूठ वाहिली जाते. तिसऱ्या श्रावणी सोमवारी मूग ही शिवामूठ म्हणून शिवलिंगावर अर्पण करावी. पूजा झाल्यावर भगवान शंकराची आरती करावी आणि त्यांना नैवेद्य अर्पण करावा. पूजेनंतर श्रावण सोमवारची व्रत कथा वाचणे किंवा ऐकणे महत्त्वाचे मानले जाते.