अजित पवारांना भेटलो, शरद पवारांनाही भेटणार, भास्कर जाधवांच्या लेकाने 'मिटिंग डिप्लोमसी'चं कारण सांगितलं!

दुसरीकडे आमदार भास्कर जाधव यांच्या सांगण्यावरूनच अजितदादांची भेट घेतल्याचे सांगत जिल्हा परिषदेच्या इमारतीला निधी दिल्याबद्दल कृतज्ञता व्यक्त केली, असे भेटीमागचे कारण विक्रांत जाधव यांनी सांगितले. भेटीमागे कोणताही राजकीय हेतू नसल्याचे सांगत उद्या शरद पवार यांना देखील भेटण्यासाठी मी जाणार आहे, असेही विक्रांत जाधव यांनी सांगितले. आमची भेट केवळ कौटुंबिक असून त्यामागे कोणताही राजकीय हेतू नाही, असे सांगताना उपमुख्यमंत्री अजित पवार आपल्या शहरात आल्यामुळे त्यांचे स्वागत करणे ही आमची संस्कृती असल्याचे आवर्जून विक्रांत जाधव यांनी सांगितले.

आमदार भास्कर जाधव हे कोल्हापूरच्या दौऱ्यावर होते. ते जर चिपळूणमध्ये असते तर राज्याच्या उपमुख्यमंत्र्यांचे त्यांनीच स्वागत केले असते. बाबांनी त्यांच्या राजकीय कारकीर्दीत स्वत:ला एक शिस्त लावून घेतली आहे. जबाबदार पदावरील कुणीही तालुक्याच्या दौऱ्यावर आले तर त्यांचे स्वागत करणे लोकप्रतिनिधीचे काम आहे, असे आम्ही मानतो. परंतु बाबा काल कोल्हापूरच्या

तसेच सोमवारी शरद पवार चिपळूण दौऱ्यावर येत आहेत. जर भास्कर जाधव चिपळूणमध्ये असतील तर आम्ही दोघेही शरद पवार यांचे आशीर्वाद घेण्यासाठी जाऊ, असे विक्रांत यांनी सांगितले. जर महायुतीचे नेते उपमुख्यमंत्री अजित पवार यांच्या स्वागताला भास्कर जाधव यांनी मला पाठवले तर आमच्या महाविकास आघाडीचे नेते शरद पवार यांच्या स्वागतालाही जाणे आमचे क्रमप्राप्त आहे, असेही विक्रांत म्हणाले.