Kantara: कांतारा चित्रपटात दाखवलेली देवता नेमकी कोण? रणबीर सिंगला लोकांची मागावी लागली माफी

मुंबई : कांतारा चित्रपटात दाखवलेल्या पंजुरली देवतेचा रणवीर सिंगने केलेला अपमान लोकांना बिलकूल आवडला नाही. तो देवतेशी संबंधित काही विनोद करायला गेला पण, लोकांना त्याच्या या प्रकाराचा राग आला. त्यामुळे त्याला मोठ्या प्रमाणावर ट्रोल करण्यात आलं. प्रचंड लोकांच्या नाराजीमुळे त्याने माफीही मागितली. पंजुरली देवता या दक्षिण भारतातील तटीय कर्नाटक, म्हणजेच तुलु नाडू प्रदेशातील लोकसंस्कृती आणि श्रद्धेचा अत्यंत महत्त्वाचा भाग आहेत. येथे त्यांची पूजा गाव, जंगल आणि शेतीचे रक्षण करणाऱ्या देवता म्हणून केली जाते. पंजुरलीचे रूप वराहासारखे मानले जाते आणि त्यांचा संबंध भगवान विष्णूंच्या वराह अवताराशी जोडला जातो. तुलु समाजातील भूत कोला या पारंपरिक नृत्य-विधींमध्ये पंजुरलीची आराधना केली जाते, ज्यातून स्थानिक लोक देवतेचे आशीर्वाद आणि संरक्षण मिळवतात.