Mahindra आणि Creta ला टक्कर द्यायला आल्या 2 नव्या SUV, फिचर्स एक नंबर!

citroen ने अखेर Basalt आणि Aircross च्या डार्क मॉडेल लाँच केली आहे. ब्रँडने या एसयूव्ही टॉप मॉडेल्सवर आधारित लाँच केल्या आहेत. एमटी आणि एटीसह. किंमतीबद्दल बोलायचं झालं तर, बेसाल्ट डार्कची किंमत १५.३१ लाख ते १६.८३ लाख रुपयांच्या दरम्यान आहे (ऑन-रोड, मुंबई). त्याचवेळी, एअरक्रॉस डार्कची किंमत १५.६९ लाख ते १७.०३ लाख रुपयांपर्यंत (ऑन-रोड, मुंबई) आहे.

सुरुवातीला, सिट्रोएन कारच्या डार्क एडिशन्स टाटाच्या डार्क एडिशनसारख्याच आहेत. बाहेरून, एसयूव्हींना पूर्णपणे काळ्या रंगाची ट्रीटमेंट मिळते. पण, सिट्रोएनने टाटा मोटर्सप्रमाणे फ्रंट ग्रिल किंवा अलॉय व्हील्सचे घटक डीक्रोम केलेले नाहीत. आत ही तसेच बदल आहे. दोन्ही एसयूव्हीचे केबिन पूर्णपणे ब्लॅक रंगात आहे.

आतील भागात काळ्या लेदर सीट्स, काळ्या लेदर स्टीअरिंग व्हील आणि काळ्या लेदरचे डॅशबोर्ड आहे. याव्यतिरिक्त, एसयुव्हीवरील सॉफ्ट टच मटेरियलला लाल स्टिचिंग ट्रीटमेंट देण्यात आली आहे, ज्यामुळे एकूण वातावरणात वाढ झाली आहे. डार्क एडिशनच्या काही नवीन वैशिष्ट्यांमध्ये अॅम्बियंट लाइटिंग, फूटवेल लाइट्स आणि प्रकाशित सिल प्लेट्सचा समावेश आहे. तसंच, डार्क एडिशन सध्याच्या मॉडेल्सच्या सर्व फिचर्स दिले आहे.