नव्या कोऱ्या कारची पहिलीच सर्व्हिस, ट्रायल घेण्यासाठी बाहेर आणली अन् कोळसा झाली, LIVE VIDEO

मिळालेल्या अधिक माहितीनुसार, अकोल्यातील बारालिंगा गावाजवळ ही घटना घडली आहे. कारमालकाने अलीकडे अकोला मुंबई महामार्गावरील असलेल्या एका हुंदई कंपनीच्या शोरुममध्ये कार खरेदी केली होती. कारची पहिलीच सर्व्हिस होती. त्यामुळे आज सकाळी कार सर्विसिंगसाठी शोरूमला आणली. दुपारी कारची सर्व्हिस पूर्ण झाली. त्यानंतर कारमालकाने ट्रायल घेण्यासाठी कार बाहेर आणली पण काही अंतरावर जाताच कारमधून धूर निघायला लागला. काही कळायच्या आता कारने पेट घेतला. वेळीच कारचालकाने बाहेर उडी मारली. त्यानंतर कारमध्ये आगीनं रौद्ररुपधारण केलं.

सुदैवाने प्रसंगवधान घेत गाडीतील सर्व प्रवासी खाली उतरले आणि गाडीने अचानक पेट घेतला. आग आटोक्यात आणण्यासाठी अग्निशमन दलाला माहिती देण्यात आली. अग्निशमन दलाच्या गाडी घटनास्थळी दाखल झाली आणि मोठ्या शर्तीचे प्रयत्न केले मात्र या आगीत ही चार चाकी गाडी संपूर्ण जळून खाक झाली. ही आग कशामुळे लागली याचं कारण अद्यापही समजू शकल नाही. पण नुकतीच नवीकोरी घेतलेली कार डोळ्यासमोर जळताना पाहून मालक पुरता हादरून गेला होता. या घटनेबद्दल शोरुममधील कर्मचाऱ्याला विचारणा करण्यात आली आहे. कारला आग कशामुळे लागली याचा तपास केला जात आहे.