Mahindra Thar 5 Door - अशी आहे महिंद्रा थार 5 डोअर; लाँचआधी दिसली गाडीची झलक

नवी दिल्ली, 28 डिसेंबर : कोणत्याही प्रदेशात आणि कोणत्याही हवामानात जबरदस्त कामगिरी करणाऱ्या गाड्यांचं उत्पादन करण्यासाठी महिंद्रा कंपनी प्रसिद्ध आहे. गेल्या काही वर्षांपासून कंपनीची थार ही गाडी मोठ्या प्रमाणात ग्राहकांच्या पसंतीस उतरत आहे. विशेषत: तरुणाईमध्ये या गाडीची जास्त क्रेझ आहे. थारच्या चाहत्यांसाठी आनंदाची एक बातमी आहे. महिंद्रा आपली 'थार 5-डोअर' ही गाडी 2024च्या सुरुवातीला लाँच करू शकते. नुकत्याच एका टेस्टदरम्यान ही गाडी स्पॉट झाली आहे. या पूर्वी आढळलेली आणि नुकतीच आढळलेली महिंद्रा थार यामध्ये काही फरक दिसले आहेत.